ზურაბიშვილი: “ღმერთმა არ ქნას როდესმე ამ დარბაზში ხანძარი ან რამე ემერჯენსი მოხდეს”

თარიღი: სექტემბერი 2, 2022

კომენტატორმა გიორგი ზურაბიშვილმა საქართველო – ბელგიის მატჩის შემდეგ ახალი სპორტის სასახლის პრობლემებზე სოციალურ ქსელში დაწერა.

“ზოგადად ძალიან ვცდილობ ჰეითერი არ ვიყო და ყველაფერში კარგი დავინახო, თუმცა არ გამოდის არ ვთქვა, რომ ჩვენი ახალი საკალათბურთო დარბაზი ვერანაირ კრიტიკას ვერ უძლებს.

დავიწყოთ იმით, რომ სკამების ძალიან უცნაური განლაგებაა. იდეაში საიდანაც თამაში ყველაზე კარგად უნდა ჩანდეს, ის ადგილი პირველ და მეორე იარუსებს შორის ექცევა და საერთოდ არ არის გამოყენებული. ასევე, რატომღაც საკმაოდ დიდი სივრცეა სკამებსა და პარკეტს შორის – პირველი რიგიდანაც კი შორიდან უყურებ თამაშს, მეორე იარუსიდან კი ზედმეტად ზევიდან. მეორე იარუსის პირველი რიგებიდან თამაში საერთოდ არ ჩანს, რადგან ჯებირები ეფარება… ასევე, დარბაზში საშინლად ცხელა, განსაკუთრებით მეორე იარუსზე იმდენად აუტანელი ჩახუთულობაა, რომ სუნთქვაც ჭირს. შიდა დერეფნები არის სამარცხვინოდ ვიწრო და დაბალჭერიანი – საშინელი კლაუსტროფობიის გრძნობა გეუფლება. ასეთი ცუდი დერეფნები არცერთ სპორტულ დარბაზში არ მინახავს.

ვინც ეს შენობა დააპროექტა და ააშენა, კარგი იქნებოდა ევროპის რომელიმე საკალათბურთო ქვეყანაში ერთი თანამედროვე დარბაზი მაინც ენახა.

ყველაზე მთავარი კი ისევ და ისევ საშინელი ორგანიზება, იმ თვალსაზრისით, რომ მხოლოდ რამდენიმე შესავლელი/გამოსასვლელი არის თამაშის დროს ღია. გუშინ მეორე იარუსიდან რომ გამოვდიოდი, უვიწროეს დერეფანში პრაქტიკულად მთელ დარბაზს წრე დავარტყი. სიცხისგან და კლაუსტროფობიისგან გული კინაღამ წამივიდა. ხალხი მთვარზე დაფრინავს, ჰაბლის ტელესკოპი დაძველდა და ჩვენთან რა გახდა სტადიონებზე რამდენიმე შესავლელის გახსნა, მართლა გაუგებარია. ღმერთმა არ ქნას როდესმე ამ დარბაზში ხანძარი ან რამე ემერჯენსი მოხდეს, თორემ წარმოდგენაც არ მინდა რა იქნება…

ტრანსპორტის ლოჯისტიკა კიდევ ცალკე მტკივნეული საკითხია. იმის მაგივრად იმაზე იყოს ნაფიქრი, რომ ხალხი თამაშზე სწრაფად და მარტივად მივიდეს, ყველაფერი პირიქით არის. სამანქანო გზები ისეთ ადგილებშია გადაკეტილი, რომ მანქანები ფიზიკურად იჭედებიან, ვერც წინ მიდიან, ვერც უკან და იქმნება სრული ქაოსი. პარკინგიც უდიდესი პრობლემაა. ქავთარაძის მხრიდან გზა საერთოდ არ არის გაკეთებული, მტვერში და ქვიშაში მომიწია ფეხით სიარული. სამთავრობო ესკორტების გამო გზების გადაკეტვას კიდევ ვერ გადავეჩვიეთ. ხალხი ისედაც ვერ მიდის ნორმალურად თამაშზე და ამ დროს ესკორტების გამო კიდევ დამატებით გზებს კეტავ?! გუშინ ზუსტად საათნახევარი დამჭირდა რომ სახლიდან დარბაზამდე მიმეღწია.

მოკლედ, ეს ბევრი პატარა შემაწუხებელი დეტალი საბოლოო ჯამში გიქმნის იმ გამოცდილებას, რომ თამაშზე წასვლა და ცოცხლად ყურება აღარ მოგინდება. გირჩევნია სახლში დარჩე და ტელევიზორში უყურო, რაც ძალიან სევდიანი ამბავია.

აკუსტიკაზე და სხვა დეტალებზე აღარაფერს დავწერ. თუმცა, ეგ დეტალებიც ძალიან მნიშვნელვანია, იმისთვის რომ დარბაზში კარგი ატმოსფერო შეიქმნას, მაგრამ მაგას ვინღა ჩივის.
უკვე ძალიან ძალიან დამღლელია ეს მაჩანჩალობა, ყოველ მეორე ნაბიჯზე “დროშა ვერ დაკიდენ”. სუბოქსინით გაბრუებული ერი აშკარად ღრმა ძილშია მიცემული და რამემ თუ არ გამოგვაფხიზლა, ასე ინერციით სადამდე ვიგორავებთ ან სად მივგორდებით არ ვიცი” – ზურაბიშვილი.

ახალი სპორტის სასახლე მაღლივის ტერიტორიაზეა და მოესწრებოდა თუ არენის მშენებლობა ევრობასკეტის დაწყებამდე, კითხვის ნიშნის ქვეშ იყო.



მსგავსი სიახლეები
კალათბურთი

გია მურღულია: “როცა ბურთს კალათში ვერ აგდებ, ღმერთს კი არ უნდა ახედო, ცოტა მეტი უნდა

ცნობილმა ქართველმა ფილოლოგმა გია მურღულიამ საქართველოს საკალათბურთო ნაკრების შესახებ სოციალურ ქსელში ვრცლად დაწერა. “როცა ბურთს […]...
წაკითხვა
კალათბურთი

ერთადერთი შანსი – რა შემთხვევაში გავა საქართველოს ნაკრები პლეი-ოფში?

საქართველოს საკალათბურთო ნაკრებმა ბულგარეთთან 92-80 წააგო და შემდეგ ეტაპზე გასასვლელად საქმე ძალიან გაირთულა. ნაკრები პლეი-ოფში […]...
წაკითხვა
კალათბურთი

FIBA-მ თურქეთის ნაკრების საჩივარი არ დააკმაყოფილა!

FIBA თურქეთის ნაკრების საჩივრის საპასუხოდ განცხადებას ავრცელებს. “მას შემდეგ, რაც შევისწავლეთ ყველა მატერიალური მტკიცებულება, ვასკვნით […...
წაკითხვა
კალათბურთი

კობახიძე კრიტიკოსებს პასუხობს: “ეს აჩვენებს იმას, რომ სპორტში საერთოდ ვერ ერკვევიან

“ქართული ოცნების” თავჯდომარემ, ირაკლი კობახიძემ ევრობასკეტის გახსნით მატჩზე მის მაისურთან დაკავშირებით კომენტარი გააკეთა. კობახიძე კალათბუ...
წაკითხვა
კალათბურთი

კორკმაზი: “ეს ქუჩური ჩხუბივით იყო – ამას არავის გავუტარებდი”

თურქეთის ნაკრების ერთ-ერთმა ლიდერი ფურან კორკმაზი დუდა სანაძესთან მის დაპირისპირებას გამოეხმაურა. “თქვენ მხოლოდ მცირე ნაწილი […]...
წაკითხვა
კალათბურთი

დუდა სანაძე: “დამიყვირა, რომ გასახდელში მნახავდა”

დუდა სანაძემ თურქეთის ნაკრების კალათბურთელთან, ფურკან კორკამზთან მომხდარ ინციდენტზე კომენტარი გააკეთა. “მე ვუთხარი, რომ სულელური […]...
წაკითხვა
კალათბურთი

თურქეთის ნაკრების მწვრთნელი: “1 თურქის წინააღმდეგ 3 ქართველი მოდიოდა”

თურქეთის ნაკრების მთავარი მწვრთნელი ერგინ ატამანი მსაჯმა გააძევა, ამიტომ, მატჩის შემდგომ პრესკონფერენციაზე მისი ასისტენტი გამოვიდა. […]...
წაკითხვა
კალათბურთი

რომან გოცირიძე: “ევრობასკეტი ფინანსური კრახით დამთავრდება”

პარლამენტარი რომან გოცირიძე ახალი სპორტის სასახლის შესახებ გამოთქმულ პრობლემებს ეხმაურება. “ახალ სპორტის სასახლეში, რომლის აშენებაში […]...
წაკითხვა
კალათბურთი

თურქეთის ნაკრების მწვრთნელი: “თბილისში საერთოდ რას ვაკეთებთ?”

თურქეთის ნაკრების მწვრთნელი ერგინ ატამანი თბილისში დასწრების რაოდენობით უკმაყოფილოა. “დღეს არენაზე მხოლოდ 100 გულშემატკივარი იყო. […]...
წაკითხვა
კალათბურთი

“გამარჯობა და ღამე მშვიდობისა” | FIBA-ს კომენტატორის რეაქცია რატის ჩაჭრაზე

საქართველოს ნაკრებმა მოქმედი ჩემპიონი ესპანეთის ნაკრები 82-76 დაამარცხა. 17 ქულა დააგროვა 21 წლის გამთამაშებელმა რატი […]...
წაკითხვა
კალათბურთი

შენგელიას NBA-ში დაბრუნება სურს

თორნიკე შენგელიამ “ვირტუსის” ბოლო მატჩში ტრავმა მიიღო და გარკვეულ პერიოდს გამოტოვებს. მიუხედავად მის მიმართ “ბარსელონას” [&hel...
წაკითხვა
კალათბურთი

ყველაზე ფულიანები

ინტერნეტპორტალმა “სპორტიკომ” მსოფლიოს ყველაზე მაღალანაზღაურებადი სპორტსმენების სია გამოაქვეყნა. რეიტინგს საკალათბურთო გუნდ “ლოს-ანჯე...
წაკითხვა
კალათბურთი

ტრაგედია – ახალი სპორტის სასახლის მშენებლობაზე მუშა გარდაიცვალა

უნივერსიტეტის ქუჩაძე, სადაც ახალი სპორტის სასახლის მშენებლობა მიმდინარეობს, 27 წლის ახალგაზრდა დაიღუპა. ჯაბა ქადამაძე შიდა […]...
წაკითხვა
კალათბურთი

თბილისის “დინამო” სუპერლიგიდან გავარდა

დღეს სუპერლიგის მორიგი მატჩები რეგიონებში გაიმართა. რუსთავში სათამაშოდ “ოლიმპი” ჩავიდა, ხოლო ქუთაისში – “ტიტები”. ორივეგან […]...
წაკითხვა
კალათბურთი

თორნიკე შენგელიას აღიარება: “რუსეთში არ უნდა წავსულიყავი”

საქართველოს ნაკრების კაპიტანმა თორნიკე შენგელიამ Gazzeta.gr-სთან ცსკა-დან წამოსვლის შესახებ ისაუბრა. “ყველა ფიქრობს, რომ რთული გადაწყვეტილება [&...
წაკითხვა