“რეალმა” საკლუბო მსოფლიოს ჩემპიონატი მოიგო

მაროკოს დედაქალაქში მდებარე სტადიონ „სტად დე მარაკეშზე“ დასრულდა საკლუბო მსოფლიოს ჩემპიონატის ფინალური მატჩი, რომელშიც მადრიდის “რეალმა” არგენტინული “სან ლორენსო” ანგარიშით 2:0 დაამარცხა.

37-ე წუთზე ტონი კროოსის მიერ მოწოდებული კუთხურის შემდეგ სერხიო რამოსმა თავური დარტყმით ანგარიში გახსნა, მეორე ტაიმის დასაწყისში კი გარეტ ბეილმა ისკოს პასი შეირგო და მეორედ შეარხია “სან ლორენსოს” კარის ბადე.

ამრიგად, “რეალი” არსებობის მანძილზე პირველად გახდა საკლუბო მსოფლიოს ჩემპიონატის გამარჯვებული.

საკლუბო მსოფლიოს ჩემპიონატი
ფინალური მატჩი:
“რეალი” (ესპანეთი) — “სან ლორენსო” (არგენტინა) 2:0 (1:0)

გოლები: რამოსი 37′ (1:0), ბეილი 51′ (2:0).
გაფრთხილებები: რამოსი 22′, კარვახალი 30′ — ორტიგოსა 12′, ბარიენტოსი 16′, ბუფარინი 55′, კანემანი 85′.
მთავარი მსაჯი: ვალტერ ლოპესი (გვატემალა).