9 საუკეთესო ფეხბურთელი, რომელთაც რონალდუსა და მესის გვერდით უთამაშიათ
ესპანურმა გამოცემა “მარკამ” ის ცხრა საუკეთესო ფეხბურთელი დაასახელა, რომელთაც როგორც კრიშტიანუ რონალდუს, ასევე ლიონელ მესის გვერდით უთამაშიათ.
გაბრიელ ჰაინცე რონალდუსთან ერთად “მანჩესტერ იუნაიტედში” თამაშობდა, მესისთან ერთად კი არგენტინის ნაკრების ღირსებას იცავდა.
ხერარ პიკე “ოლდ ტრაფორდზე” რონალდუს თანაგუნდელი გახლდათ, ახლა კი მესისთან ერთად “ბარსაში” თამაშობს.
ანდრე გომეში რონალდუსთან ერთად პორტუგალიის ნაკრების ღირსებას იცავს, მესისთან ერთად კი “ბარსელონაში” გამოდის.
ფერნანდო გაგო მესისთან ერთად არგენტინის ნაკრებში თამაშობდა, რონალდუსთან ერთად კი “რეალის” ღირსებას იცავდა.
ჰენრიკ ლარსონი “მანჩესტერ იუნაიტედში” იმ დროს გამოდიოდა, როდესაც ამ გუნდის ღირსებას რონალდუც იცავდა, შვედს მესისთან ერთად “ბარსელონაშიც” უთამაშია და 2005 წელს ჩემპიონთა ლიგაც მოიგო.
ესეკიელ გარაი არგენტინის ნაკრებში მესისთან ერთად გამოდის, რონალდუს გვერდით კი “სანტიაგო ბერნაბეუზე” თამაშობდა.
ანხელ დი მარია მესისთან ერთად არგენტინის ნაკრების ღირსებას იცავს, რონალდუს თანაგუნდელი კი “რეალში” ასპარეზობის დროს გახლდათ.
კარლოს ტევესი მესისთან ერთად არგენტინის ნაკრებში თამაშობდა, რონალდუსთან ერთად კი “ოლდ ტრაფორდზე” მოქმედებდა.
გონსალო იგუაინი “რეალში” რონალდუს თანაგუნდელი გახლდათ, მესისთან ერთად კი არგენტინის ნაკრებში გამოდის.
