რაკიტიჩს შეთავაზება “ბარსელონასგან” და “რეალისგან” ჰქონდა

“სევილიას” ფეხბურთელის, ივან რაკიტიჩის მამამ განაცხადა, რომ მის შვილს შეთავაზებები “ბარსელონასგან” და “რეალისგან” ჰქონდა.

როგორც იცით, 26 წლის ხორვატი ესპანეთში სათამაშოდ 2011 წელს გადავიდა, გელზენკირხენის “შალკედან”.

მან საკმაოდ კარგი შთაბეჭდილება დატოვა მაყურებელზე, განსაკუთრებით 2013-2014 წლების სეზონში, ევროპა ლიგაზე მიღწეული წარმატებით.

“ჩემს შვილს შემოთავაზებები “რეალისგან” და “ბარსელონასგან” ჰქონდა, თუმცა ჯერ-ჯერობით არაფერი გადაწყვეტილა. ის მსოფლიო ჩემპიონატის შემდეგ მოიფიქრებს, თუ რომელ კლუბში განაგრძობს ასპარეზობას”, – განაცხადა ლუკ რაკიტიჩმა.