სატრანსფერო ნიუსები
ზაფხულის სატრანსფერო ფანჯარა, უკვე 9 დღეა, რაც გახსნილია და გუნდები აქტიურად აწარმოებენ მოლაპარაკებებს ერთმანეთთან.
განხორციელდა რამდენიმე საინტერესო ტრანსფერიც. მაგალითად, დავიდ ვილა “ატლეტიკოდან” წავიდა, დავიდ ლუიზი “პარის სენტ ჟერმენში” გადავიდა, ალექსი “მილანმა” მიიწვია და ა.შ.
გთავაზობთ, ტრანსფერებს, რომლებიც შესაძოა განხორციელდეს მომავალი სამი თვის განმავლობაში
მარტინესმა კონტრაქტი გაახანგრძლივა
“ევერტონმა”, მთავარ მწვრთნელს, რობერტო მარტინესს კონტრაქტი გაუხანგრძლივა. ცნობილია, რომ ესპანელი სპეციალისტი 2019 წლამდე დარჩება ლივერპულულ გუნდში. ცნობისთვის, მარტინესმა “ევერტონი” გასული სეზონის წინ ჩაიბარა.
“მანჩესტერმა” “ბაიერნს” 25 მილიონი შესთავაზა
ზაფხულის სატრანსფერო ფანჯრის დროს, “მანჩესტერ იუნაიტედი” მზად არის, “ბაიერნს” 25 მილიონი ფუნტი გადაუხადოს, ბასტიან შვაინშტაიგერის სანაცვლოდ. ბრიტანული პრესის თანახმად, ორ მხარეს შორის მოლაპარაკებები უკვე მიმდინარეობს. როგორც იცით, შვაინშტაიგერის გარდა, ლუი ვან გაალს, ტონი კროოსი და ტომას მიულერიც სურს.
კოლაროვმა “სიტისთან” გაახანგრძლივა.
დღეს, ალექსანდერ კოლაროვმა, “მანჩესტერ სიტისთან” კონტრაქტი გაახანგრძლივა. ცნობილია, რომ სერბი მცველი, “ეტიჰედზე” 2018 წლამდე დარჩება.
მოურინიოს მოდრიჩი სურს
როგორც იცით, უკანასკნელ პერიოდში მადრიდის “რეალი” რამირესით დაინტერესდა. ჟოზე მოურინიოს კი სურს, რომ ამ ტრანსფერში ლუკა მოდრიჩი გამოიყენოს და ის “ჩელსიში” მიიწვიოს. ცნობილია, რომ ამ ტრანსფერების თაობაზე უკვე მიმდინარეობს მოლაპარაკებები. პერესმა თავად განაცხადა, რომ რამირესის “რეალში” ხილვა სურს.
ველა “არსენალში” არ დაბრუნდება
კარლოს ველამ განაცხადა, რომ ის არ აპირებს “არსენალში” დაბრუნებას. როგორც იცით, ამჟამად მექსიკელი ფორვარდი “რეალ სოსიედადში” ირიცხება. ის 2006-2011 წლებში თამაშობდა “არსენალში”, თუმცა მუდმივად განათხოვრებული იყო. არსენ ვენგერს კი ზაფხულში სურდა, მისი დაბრუნება, რაზეც უარი მიიღო.
“ბეშიქთაშს” დემბა ბა არ სურს
დღეს, გავრცელდა ინფორმაცია იმის შესახებ, რომ თურქული “ბეშიქთაში” დემბა ბას აღარ იყიდის. უკანასკნელ კვირაში აქტუალურად მიმდინარეობდა მოლაპარაკებები ორ მხარეს შორის, თუმცა მათ პირობები ვერ შეათანხმეს. როგორც იცით, ზაფხულში ჟოზე მოურინიო დემბა ბას გაშვებას აპირებს.
რეინა ლივერპულში დაბრუნდება
“ნაპოლის” მთავარმა მწვრთნელმა, რაფაელ ბენიტესმა განაცხადა, რომ ის ვერ შეძლებს პეპე რეინას შენარჩუნებას. როგორც იცით, ამჟამად ესპანელი კიპერი, იჯარით იმყოფება იტალიურ გუნდში.
“პეპე რეინას, “ლივერპულთან” კიდევ ორ წლიანი კონტრაქტი აქვს, ასე რომ ვფიქრობ, ის უნდა წავიდეს და ითამაშოს მერსისაიდულ კლუბში. ინგლისში ხელფასები მაღალია და ჩვენ აქ, იტალიაში არ შეგვიძლია, რომ ფეხბურთელებს ამხელა ანაზღაურება მივცეთ. ჩვენ ვერ შევინარჩუნებთ რეინას, სწორედ ამიტომ ვაბრუნებთ მას”, – განაცხადა ბენიტესმა.
ვენგერი მანჯუკიჩს ბრაზილიაში დააკვირდება
ლონდონის “არსენალის” თავკაცი, არსენ ვენგერი ბრაზილიაში, კერძოდ კი სან პაოლოში იმყოფება. ბრაზილიური და ბრიტანული წყაროები იტყობინებიან, რომ ფრანგი სპეციალისტი დღეს ჩაფრინდა სამხრეთ ამერიკაში. როგორც იცით, “ბაიერნი” ხორვატ ფორვარდს ტრანსფერზე აყენებს, “არსენალი” კი ნომერ პირველ მსურველია.
