ჟუნინიო: „სკოლარი ჰოლანდიის ნაკრებთან გასამართ მატჩამდე უნდა წავიდეს“

ბრაზილიის ნაკრების ყოფილი ნახევარმცველი ჟუნინიო პერნამბუკანო თვლის, რომ მსოფლიოს ჩემპიონატის ნახევარფინალურ ეტაპზე გერმანიის ნაკრებთან გამანადგურებელი ანგარიშით მარცხის (1:7) შემდეგ, ლუიშ ფელიპე სკოლარიმ დაუყოვნებლივ უნდა დატოვოს „სელესაოს“ მთავარი მწვრთნელის პოსტი. ჟუნინიოს აზრით, ბრინჯაოს მედლებისთვის ჰოლანდიის ეროვნული გუნდის წინააღმდეგ გასამართ მატჩს არანაირი მნიშვნელობა არ აქვს.

„მწვრთნელი რომ ვყოფილიყავი და 1:7 წამეგო, ჰოლანდიის ნაკრებთან გასამართ მატჩამდე გადავდგებოდი. თავმოყვარე ადამიანი ნამდვილად დატოვებდა ნაკრებს მთლიან შტაბთან ერთად. მნიშვნელობა არ აქვს, მოიგებს თუ წააგებს გუნდი ბრინჯაოს მედლებისთვის ბრძოლას. ასეთი „სელესაო“ არასდროს მინახავს. გერმანიის ნაკრებთან მარცხმა აჩვენა, რომ ძალიან კარგი ფეხბურთელები გვყავს, მაგრამ სამწვრთნელო შტაბი მოთამაშეთა დონეს არ შეესაბამება“, – განაცხადა ჟუნინიომ.

ცნობისთვის, ბრაზილიისა და ჰოლანდიის ნაკრებებს შორის მესამე ადგილისთვის მატჩი 13 ივლიის, თბლისის დროით 00:00 საათზე დაიწყება.