“ლივერპულის” ლეგენდები სუარესის შესახებ

მიუხედავად იმისა, რომ ლუის სუარესმა ზაფხულის სატანსფერო პერიოდში კლუბი დატოვა და “ბარსელონას” მიაშურა, მერსისაიდული გუნდის ლეგენდარული ფეხბურთელები მას თბილად მოიხსენიებენ. კერძოდ, ურუგვაელი თავდამსხმელისა და “ლივერპულის” ამჟამინდელი მდგომარეობის შესახებ რობი ფაულერმა და იან რაშმა ისაუბრეს.

“სუარესი დაგვაკლდება. ფეხბურთელები მოდიან და მიდიან, მაგრამ შედეგი ყოველთვის უნდა იყო.
სუარესმა “ლივერპულში” მნიშვნელოვან პროგრესს მიაღწია, თუმცა ახლა სხვა ფეხბურთელები გვყავს და კიდევ უფრო გაძლიერებაზე უნდა ვიფიქროთ.
უშეღავათო კონკურენციაა. თითოეული მოთამაშე თავის საუკეთესო თვისებებს აჩვენებს და იმედი დავიტოვოთ, რომ კარგი სეზონი გამოვა”, – ციტირებს ფაულერის სიტყვებს express-ი.

“სუარესს წარმატებებს ვუსურვებ, თუმცა ჩვენ მხოლოდ “ლივერპული” გვაინტერესებს”, – აღნიშნა რაშმა.

მერსისაიდული გუნდის მთავარი მწვრთნელი ბრენდან როჯერსი ცდილობდა, სუარესი “ენფილდზე” დაეტოვებინა, თუმცა ურუგვაელმა ფეხბურთელმა “ბარსელონაში” გადაბარგება გადაწყვიტა. კატალონიურმა გუნდმა აღნიშნულ ტრანსფერში 75 მილიონი ფუნტ სტერლინგი გაიღო.