უეფამ კოსოვოს კლუბები ევროთასებზე დაუშვა

უეფამ ევროთასებზე კოსოვოს კლუბები დაუშვა.

19 ივნისს, შვეიცარიის ქალაქ ნიონში ჩემპიონთა ლიგისა და ევროპის ლიგის პირველი და მეორე საკვალიფიკაციო ეტაპების წილისყრა ჩატარდება. ჩემპიონთა ლიგაზე კოსოვოს “ტრეპჩა ’89”, ხოლო ევროპის ლიგაზე “პრიშტინა” წარადგენს.

შეგახსენებთ, რომ კოსოვოს ფეხბურთის ფედერაცია უეფას წევრი 2016 წლის მაისში გახდა, მაგრამ მაშინდელი ჩემპიონი “ფერონიკელი” და თასის მფლობელი “პრიშტინა” ევროთასებზე ლიცენზირების კრიტერიუმების არასრული შესაბამისობის გამო არ დაუშვეს.

საქართველო კოსოვოს დამოუკიდებელ სახელმწიფოდ არ აღიარებს და შესაბამისად, სფფ-მ უეფაში კოსოვოს გაწევრიანებას მხარი არ დაუჭირა.