კანავარომ მსოფლიოს ჩემპიონატის ფავორიტები დაასახელა

ლეგენდარულმა იტალიელმა ფეხბურთელმა, 2006 წლის მსოფლიოს ჩემპიონმა ფაბიო კანავარომ რუსეთში გასამართი მუნდიალის ფავორიტები დაასახელა.

“ორიგინალური ვერ ვიქნები. მსოფლიოს ჩემპიონატის ფავორიტებად გერმანიის, ბრაზილიისა და არგენტინის ნაკრებებს მივიჩნევ. ასევე დავასახელებ ესპანეთისა და საფრანგეთის ნაკრებებსაც. ამ გუნდების მჯერა. ძალიან კარგი ნაკრები ჰყავს ბელგიასაც. ამ გუნდსაც შეუძლია მსოფლიოს ჩემპიონატის მოგება”, – ციტირებს კანავაროს სიტყვებს “სპორტ-ექსპრესი”.

შეგახსენებთ, რომ მსოფლიოს ჩემპიონატის ფინალური სტადიის წილისყრა ხვალ, 1 დეკემბერს, მოსკოვში ჩატარდება და თბილისის დროით 19:00 საათზე დაიწყება. კანავარო წილისყრის ერთ-ერთი მონაწილეა.