მესიმ მსოფლიოს ჩემპიონატის საუკეთესო ფეხბურთელთა შორის რონალდუ არ დაასახელა

არგენტინის ნაკრების თავდამსხმელ ლიონელ მესის 2018 წლის მსოფლიოს ჩემპიონატის საუკეთესო ფეხბურთელების დასახელება სთხოვეს, მან კი პორტუგალიელთა ლიდერ კრიშტიანუ რონალდუს დასახელებისგან თავი შეიკავა.

“ბრაზილიის ნაკრებს ნეიმარი და ფილიპე კოუტინიო ჰყავს. ესპანელთა რიგებში ანდრეს ინიესტა და დავიდ სილვა თამაშობენ. გერმანელებს ვარსკვლავები არ ჰყავთ, მაგრამ ისინი მთლიანობაში არიან ძლიერები. ბელგიის ნაკრებიდან ედენ აზარისა და კევინ დე ბრეინეს გამოყოფა შეიძლება. საფრანგეთის ნაკრებში საუკეთესონი ანტუან გრიზმანი და კილიან მბაპე არიან. მსოფლიოს ჩემპიონატზე ბევრ კარგ ფეხბურთელს ვიხილავთ”, – ციტირებს მესის სიტყვებს “მუნდო დეპორტივო”.

შეგახსენებთ, რომ მსოფლიოს ჩემპიონატი 14 ივნისს რუსეთისა და საუდის არაბეთის ნაკრებებს შორის გასამართი მატჩით გაიხსნება.