ხავი მარტინესი “ატლეტიკში” ბრუნდება

“მარკას” ინფორმაციით, მიუნხენის “ბაიერნის” ნახევარმცველი ხავი მარტინესი სამშობლოში დაბრუნება და კარიერას ბილბაოს “ატლეტიკში” გააგრძელებს, რომლის ღირსებასაც 2006–2012 წლებში იცავდა.

წყაროს თანახმად, ბასკური კლუბი 32 წლის ფეხბურთელს ორწლიან კონტრაქტს გაუფორმებს, კიდევ ერთი წლის ვადით გახანგრძლივების პერსპექტივით.

ბავარიელები ხავი მარტინესის სანაცვლოდ ათ მილიონ ევროს ითხოვდნენ, თუმცა იქიდან გამომდინარე, რომ ფეხბურთელს “ბაიერნთან” კონტრაქტი მომავალი წლის ზაფხულში ეწურება, გერმანული კლუბი მზად არის, სატრანსფერო ღირებულება შეამციროს.

შეგახსენებთ, რომ ხავი მარტინესი მიუნხენის “ბაიერნის” რიგებში 2012 წლიდან ირიცხება.