ჰოლანს ევროპის ხუთი წამყვანი კლუბი ეპატიჟება

დორტმუნდის “ბორუსიას” თავდამსხმელმა ერლინგ ჰოლანმა წინადადება ევროპის ხუთი წამყვანი კლუბისგან მიიღო. 21 წლის ნორვეგიელი ფეხბურთელისთვის ნადირობა გერმანულ “ბაიერნს”, ესპანურ “რეალსა” და “ბარსელონას”, ფრანგულ “პარი სენ-ჟერმენსა” და ინგლისურ “მანჩესტერ სიტის” აქვთ გაჩაღებული.

პარასკევს ჰოლანი საკუთარ აგენტ მინო რაიოლას შეხვდება და ევროპის ლიგიდან “ბორუსიას” გამოვარდნის შემთხვევაში, სამომავლო გეგმას განიხილავს. შეგახსენებთ, რომ გერმანული გუნდი ხუთშაბათს, სტუმრად გლაზგოს “რეინჯერსს” დაუპირისპირდება, რომელთანაც პირველი შეხვედრა 2:4 დათმო.

ერლინგ ჰოლანდმა მიმდინარე სეზონში ჩატარებულ 20 მატჩში 23 გოლი გაიტანა. ფეხბურთელსა და “ბორუსიას” შორის გაფორმებულ კონტრაქტს ვადა 2024 წლის ზაფხულამდე აქვს. 2022 წლის ივნისში შრომით ხელშეკრულებაში ამოქმედდება გამოსყიდვის პუნქტი. ჰოლანდის კონტრაქტის გამოსასყიდ თანხად 75 მილიონი ევროა მითითებული.

სპეციალიზებული ინტერნეტპორტალი “ტრანსფერმარკტი” ერლინგ ჰოლანის სატრანსფერო ღირებულებას 150 მილიონ ევროდ აფასებს.