ალეშანდრე პატო „ინტერში“?

მილანის „ინტერი“ თავდამსხმელის ძიებაშია. „ნერიაძური“ ზამთრის სატრანსფერო პერიოდში რამდენიმე ტრანსფერის განხორციელებას გეგმავს, ერთ-ერთი მიზანი კი, ბრაზილიელი თავდამსხმელი ალეშანდრე პატო გახლავთ.

რას იტყვის „კორინთიანსი“?
ბრაზილიური კლუბი მზად არის, გაუშვას პატო მას შემდეგ, რაც მან თავისი გაფუჭებული პენალტის გამო (დიდას წინააღმდეგ) ფანების უმრავლესობის სიმპათია დაკარგა.

რას ფიქრობს პატო?
პატოს სურს მისთვის უფრო ნაცნობ მილანში დაბრუნება, თუმცა არა „შავ-წითლების“ რიგებში, ვინაიდან მას უნდა, რომ თავის ყოფილ გუნდს დაანახოს, მათ თუ რა დონის შეცდომა დაუშვეს მისი გაყიდვით.

სხვა კლუბები?
პატოს მიმართ ინტერესს ლონდონური კლუბები – „არსენალი“ და „ტოტენჰემი“ იჩენენ, ხოლო თურქულ „ბეშიქთაშს“ უარი ეთქვა.