ანჩელოტი მოიესს შეცვლის?

ბრიტანული „დეილი სთარის“ ცნობით, მადრიდის „რეალის“ მთავარი მწვრთნელი კარლო ანჩელოტი შესაძლოა, მომავალ სეზონში „მანჩესტერ იუნაიტედის“ თავკაცის პოსტზე ვიხილოთ.

ამ დროისთვის „წითელ ეშმაკებს“ შოტლანდიელი სპეციალისტი დევიდ მოიესი თავკაცობს, თუმც დაუკმაყოფილებელი შედეგების გამო (ინგლისის თასიდან და ლიგის თასიდან გამოვარდნა, მე-7 ადგილი პრემიერლიგაში) მისი სავარძელი მნიშვნელოვნად არის შერყეული.

შეგახსენებთ, რომ ანჩელოტისთვის ინგლისის პრემიერლიგა უცხო არ არის. იტალიელი სპეციალისტი 2009-დან 2011 წლამდე ლონდონის „ჩელსის“ ხელმძღვანელობდა, რომელთან ერთადაც პრემიერლიგა, თასი და ქვეყნის სუპერთასი მოიგო.