არბელოამ კარიერა დაასრულა

ესპანელმა მცველმა ალვარო არბელოამ 34 წლის ასაკში პროფესიული კარიერა დაასრულა.

“კარიერის გასაგრძელებლად ფიზიკურად მზად ვიყავი, მაგრამ დამშვიდობების დრო დადგა. “რეალი” ჩემი ცხოვრების კლუბია. ვინმესთან დარეკვას და სამსახურში აყვანას არასდროს ვთხოვ, მაგრამ წინადადებების განხილვისთვის ყოველთვის მზად ვიქნები”, – ციტირებს არბელოას სიტყვებს “მარკა”.

შეგახსენებთ, რომ გასულ სეზონში ალვარო არბელოა “ვესტ ჰემ იუნაიტედში” ირიცხებოდა. ესპანელმა ფეხბურთელმა კარიერის დიდი ნაწილი მადრიდის “რეალის” რიგებში გაატარა (2004-06, 2009-16) და გუნდთან ერთად ერთხელ ესპანეთის ჩემპიონატი და ორჯერ ჩემპიონთა ლიგა მოიგო. “რეალისა” და “ვესტ ჰემის” გარდა არბელოას “დეპორტივოსა” და “ლივერპულში” უთამაშია.

ალვარო არბელოამ ესპანეთის ეროვნული ნაკრების შემადგენლობაში ორჯერ ევროპის ჩემპიონატი (2008, 2012) და ერთხელ მსოფლიოს ჩემპიონატი (2010) მოიგო.