“ბარსელონამ” “ლიონი” უპრობლემოდ დაამარცხა (ვიდეო)

უეფას ჩემპიონთა ლიგის მერვედფინალურ ეტაპზე “ბარსელონასა” და “ლიონს” შორის საპასუხო მატჩი გაიმართა. “კამპ ნოუზე” ჩატარებული შეხვედრა კატალონიელთა გამარჯვებით, ანგარიშით 5:1 დასრულდა.

მატჩი, როგორც მოსალოდნელი იყო, “ბლაუგრანას” უპირატესობით წარიმართა და მასპინძლები მე-18 წუთზე ლიონელ მესიმ თერთმეტმეტრიანი დარტყმით დააწინაურა. 31-ე წუთზე ფილიპე კოუტინიომ “ბარსას” უპირატესობა ორბურთიანი გახადა. 58-ე წუთზე ტუსარმა ერთი ბურთი გაქვითა და ფრანგებს მცირედი იმედი მიეცათ, თუმცა კატალონიელებმა ამის შემდეგ კიდევ სამჯერ გაიტანეს: 78-ე წუთზე მესიმ დუბლი გაიფორმა, 81-ეზე ჟერარ პიკემაც მიითვალა თავისი ბურთი, 86-ე წუთზე კი დემბელემ  შეხვედრას საბოლოო წერტილი დაუსვა – 5:1.

ჩემპიონთა ლიგა
მერვედფინალი (II მატჩი)
“ბარსელონა” — “ლიონი” 5:1 (2:0) (ორი მატჩის ჯამში 5:1)
გოლები: მესი 18′ (პენ), 78′ კოუტინიო 31′, პიკე 81′, დემბელე 86′.