ჩავი: “კოუტინიო ევროპის საუკეთესო ნახევარმცველია”
“ბარსელონას” ყოფილმა ფეხბურთელმა ჩავი ერნანდესმა “ლივერპულის” ნახევარმცველ ფილიპე კოუტინიოს შესახებ ისაუბრა.
“კოუტინიოს ყოველთვის ვთვლიდი გამორჩეულ ფეხბურთელად, მაგრამ იურგენ კლოპის ხელმძღვანელობით იგი ახალ დონეზე გადავიდა. თუ მისი თამაშის ამჟამინდელ ხარისხს გავითვალისწინებთ, ევროპაში კოუტინიო საუკეთესო ნახევარმცველია.
იგი ყოველთვის აჩვენებდა საკუთარ დონეს, ახლა კი სტაბილურობაც შეიძინა. კოუტინიოს ევროპის ერთ-ერთი ყველაზე ჭკვიანი სპეციალისტი წვრთნის. კლოპს ტოპ-მოთამაშეების აღზრდის დიდი გამოცდილება აქვს.
რაც შეეხება “ლივერპულიდან” კოუტინიოს შესაძლო წასვლის შესახებ გავრცელებულ ინფორმაციას, როდესაც ამ დონეზე თამაშობ, ჭორებს გვერდს ვერ აუვლი. მან უბრალოდ ყურადღება არ უნდა მიაქციოს პრესაში გამოქვეყნებულ ინფორმაციას, ფოკუსირება საკუთარ თამაშზე უნდა გააკეთოს, ვინაიდან “ლივერპულს” მიმდინარე სეზონში ტიტულისთვის ბრძოლის რეალური შანსი გააჩნია. “ბარსელონას” გაძლიერება ბევრ ფეხბურთელს არ შეუძლია, მაგრამ კოუტინიო მათ რიგებს არ მიეკუთვნება”, – ციტირებს ჩავის სიტყვებს Goal.com-ი.
ფილიპე კოუტინიოს მიმართ დაინტერესებას მადრიდის “რეალი” და “ბარსელონა” იჩენენ.
