ჩეხი: “ბარსელონას” რიგებში ყველაზე სახიფათო ინიესტაა”

დღეს უეფას ჩემპიონთა ლიგის მერვედფინალური ეტაპის ორი მატჩი გაიმართება. ლონდონის “არსენალი” “ემირეითსზე” “ბარსელონას” მიიღებს. ინგლისელთა კიპერმა პეტრ ჩეხმა აღნიშნა, რომ კატალონიელთა რიგებიდან ყველაზე მეტად ანდრეს ინიესტას უფრთხის.

“ბარსელონას” რიგებში ყველაზე სახიფათო ფეხბურთელი ანდრეს ინიესტაა. არც ლიონელ მესი, არც ლუის სუარესი და არც ნეიმარი ისე სახიფათო არაა, როგორც ინიესტა”, – ციტირებს ჩეხის სიტყვებს “მარკა”.

შეგახსენებთ, რომ ჩემპიონთა ლიგის 2008/09 წლების გათამაშების ნახევარფინალურ ეტაპზე სწორედ ინიესტას მიერ მატჩის ბოლო წუთზე ჩეხის კარში გატანილი გოლის გამო “ჩელსი” ტურნირის ფინალს მიღმა დარჩა.

მატჩი “არსენალსა” და “ბარსელონას” შორის დღეს, თბილისის დროით 23:45 საათზე დაიწყება.