დღის სატრანსფერო სიახლეები

სანჩესი “არსენალსაც” უნდა

ზაფხულის სატრანსფერო ფანჯრის დროს, ალექსის სანჩესის ყიდვას, ლონდონის “არსენალიც” შეეცდება. ცნობილია, რომ არსენ ვენგერი 25 მილიონი ევროს გადახდას აპირებს ჩილელ ფორვარდში. შეგახსენებთ, რომ “უდინეზეს” ყოფილი ფეხბურთელით, ამჟამად “იუვენტუსიც” არის დაინტერესებული

“ჩელსის” კოსტა მსოფლიომდე სურს

ცნობილია, რომ ზაფხულის სატრანსფერო ფანჯრის გახსნისთანავე, ჟოზე მოურინიო დიეგო კოსტას აგენტთან დაიწყებს მოლაპარაკებებს. როგორც ჩანს, “ჩელსის” ესპანელი ფორვარდის შეძენა მსოფლიო ჩემპიონატის დაწყებამდე სურს. ჯერ-ჯერობით უცნობია, დატოვებს თუ არა კოსტა “ატლეტიკოს”, თუმცა ლონდონელები მაქსიმუმის გაკეთებას აპირებენ, რათა ის დაიმატონ.

“მანჩესტერი” შოუში 27 მილიონს იხდის

გუშინ, ცნობილი ბრიტანული გამოცემები იტყობინებოდნენ, რომ ლუკ შოუს “მანჩესტერ იუნაიტედმა” ოფიციალური შეთავაზება გაუკეთა. ცნობილია, რომ “მანჩესტერელები” 27 მილიონი ფუნტის გადახდას აპირებენ 18 წლის ინგლისელის სანაცვლოდ. აქვე, გარდა “იუნაიტედისა”, შოუს შეძენა “მანჩესტერ სიტისაც” სურს, რომელიც მზად არის უფრო დიდი თანხა გადაუხადოს “საუთჰემპტონს” ახალგაზრდა ტალანტის სანაცვლოდ.

“ბარსელონამ” ლუიზს მიმართა

ზაფხულის სატრანსფერო ფანჯრის გახსნისთანავე, შესაძლოა დავიდ ლუიზი “ბარსელონაში” ვიხილოთ. ესპანური პრესის თანახმად, “ბლუგრანამ” მოლაპარაკებები უკვე გამართა, ლუიზის აგენტთან და თითქმის ყველა დეტალი შეათანხმა.როგორც იცით, ბრაზილიელი მცველი ესპანურ გრანდს, ზამთარშიც და 2013 წელსაც სურდა, თუმცა ტრანსფერი არ განხორციელდა.

მანჯუკიჩით “იუვენტუსიც” დაინტერესდა

ზაფხულის სატრანსფერო ფანჯრის დროს, ტურინის “იუვენტუსი” ფორვარდის ყიდვას აპირებს. ანტონიო კონტე ალექსის სანჩესით არის დაინტერესებული, თუმცა ახლა ცნობილი გახდა, რომ იტალიელი ამავდროულად მარიო მანჯუკიჩთანაც აწარმოებს მოლაპარაკებებს. როგორც იცით, ხორვატი ფორვარდი ზაფხულში “ბაიერნს” ტოვებს, თუმცა მისი მომავალი ჯერ-ჯერობით გაურკვეველია.

ბენიტესი “ტოტენჰემში”?

ბრიტანული პრესა იტყობინება, ზაფხულში შესაძლოა “ტოტენჰემ ჰოტსპური” რაფაელ ბენიტესმა ჩაიბაროს. ჯერ-ჯერობით უცნობია საბოლოო გადაწყვეტილება, თუმცა ესპანელის კანდიდატურას უკვე განიხილავენ ლონდონში. როგორც იცით, ბენიტესი ინგლისში “ჩელსისა” და “ლივერპულს” წვრთნიდა.

ვენგერმა “მონაკო” გამორიცხა

რამდენიმე დღის წინ გავრცელდა ინფორმაცია იმის შესახებ, რომ თითქოს და ვენგერი “არსენალს” ტოვებს და “მონაკოში” მიდისო, თუმცა ეს ტყუილი აღმოჩნდა. დღეს, თავად ფრანგმა მწვრთნელმა განაცხადა, რომ ის ამ მომენტისთვის არ აპირებს “არსენალის” დატოვებას.

75 მილიონი სუარესში?

goal.com-ი წერს, რომ მადრიდის “რეალი” ზაფხულში, ლუის სუარესის სანაცვლოდ 75 მილიონ ევროს გადაიხდის. როგორც იცით, წინა შეთავაზება 56 მილიონ ევროს უდრიდა, რაც ინგლისელებს სასაცილოდაც არ ეყოთ და მყისვე უარი შეუთვალეს. ასეა თუ ისე, “ლივერპულის” დატოვება, თავად ფეხურთელსაც არ სურს, რაც ესპანელებს უფრო უშლის ხელს ამ ტრანსფერის განხორციელებაში.

“ლივერპული” ლალანაში 24 მილიონს იხდის

ზაფხულის სატრანსფერო ფანჯრის დროს, “ლივერპული” მზად არის 24 მილიონი ევრო გადაუხადოს “საუთჰემპტონს”, ადამ ლალანას სანაცვლოდ. ამჟამად ინგლისელი ნახევარმცველით, რამდენიმე კლუბია დაინტერესებული, თუმცა ის ყველაზე ახლოს “ლივერპულში” გადასვლასთან არის.