დორტმუნდის “ბორუსია” გიოტცეს დაბრუნებას აპირებს

გერმანული გამოცემა “ბილდი” იუწყება, რომ დორტმუნდის “ბორუსიას” მარიო გიოტცეს დაბრუნება აქვს გადაწყვეტილი. 2016 წელს 23 წლის ფეხბურთელმა მიუნხენის “ბაიერნის” ფორმით მხოლოდ 54 წუთი ითამაშა, რის შემდეგაც პრესაში გაჩნდა ინფორმაცია, რომ გიოტცეს 2016 წლის ევროპის ჩემპიონატისთვის გერმანიის ნაკრების განაცხადში არ გამოიძახებენ, თუმცა “ბუნდესთიმის” მთავარმა მწვრთნელმა იოახიმ ლიოვმა ეს ინფორმაცია უარყო.

წყაროს თანახმად, “ბორუსიას” ეცდება, რომ შექმნილი მდგომარეობით ისარგებლოს და მარიო გიოტცე დაიბრუნოს.

შეგახსენებთ, რომ მარიო გიოტცე დორტმუნდის “ბორუსიას” ღირსებას 2008-დან 2013 წლამდე იცავდა. ამ პერიოდის განმავლობაში მან გუნდთან ერთად ორჯერ მოიგო გერმანიის ჩემპიონატი.