ესპანეთმა ირანი დიეგო კოსტას ერთადერთი გოლით დაამარცხა (ვიდეო)

მსოფლიო ჩემპიონატის B ჯგუფში ირანისა და ესპანეთის ნაკრებებს შორის მეორე ტურის მატჩი გაიმართა, რომელიც “ფურია როხას” მინიმალური უპირატესობით, ანგარიშით 1:0 დასრულდა.

ესპანელები კოლოსალურ უპირატესობას ფლობდნენ, პირველ ტაიმში ბურთის ფლობის მხრივ პროცენტული შეფარდება ევროპელთა სასარგებლოდ 81% – 19%-ზე იყო, თუმცა ირანელებმა ყველა შეტევის მოგერიება შეძლეს.

მეორე ტაიმის დებიუტში ესპანელებმა უფრო სახიფათოდ შეუტიეს და 54-ე წუთზე დიეგო კოსტამ რიკოშეტის შედეგად ანგარიშიც გახსნა. ეს გოლი აღნიშნულ მატჩში გადამწყვეტი გამოდგა.

მეორე ტურის შემდეგ ჯფუფს 4-4 ქულით პორტუგალია და ესპანეთი ლიდერობენ. ირანს 3 ქულა აქვს, ხოლო მაროკო ქულის გარეშეა.

მსოფლიოს ჩემპიონატი
B ჯგუფი (II ტური)
ირანი — ესპანეთი 0:1 (0:0)
გოლი: დიეგო კოსტა 54′.