გახდება სუარესი კიელინის თანაგუნდელი?
ურუგვაელმა თავდამსხმელმა ლუის სუარესმა შესაძლოა MLS-ს მიაშუროს.
“მუნდო დეპორტივოს” თანახმად, 35 წლის თავდამსხმელს “ლოს-ანჯელესი” მოკლევადიან კონტრაქტს სთავაზობს.
აღსანიშნავია, რომ კლუბმა უკვე დაიმატა გარეტ ბეილი და ჯორჯო კიელინი.
შეგახსენებთ, რომ სუარესსა და კიელინის შორის მსოფლიოს 2014 წლის ჩემპიონატზე უსიამოვნო ინციდენტი მოხდა. ტურნირის ჯგუფურ ეტაპზე ურუგვაისა და იტალიის ნაკრებებს შორის გამართული მატჩის მიმდინარეობისას სუარესმა კიელინის მხარზე უკბინა, რის გამოც მსოფლიო ფეხბურთის მმართველმა ორგანომ ურუგვაელი ფეხბურთელი ოთხთვიანი დისკვალიფიკაციით დასაჯა. წლების შემდეგ ფეხბურთელებს შორის ურთიერთობა დათბა.
ლუის სუარესი ბოლოს მადრიდის “ატლეტიკოში” გამოდიოდა. მან ესპანური კლუბი 2021-2022 წლების სეზონის დასრულების შემდეგ დატოვა. სუარესმა ესპანეთის ჩემპიონატის გასულ გათამაშებაში 35 მატჩი ჩაატარა და 11 გოლი გაიტანა.
