კრუიფი: “ბარსელონა” უფრო პოპულარულია, ვიდრე “ბაიერნი”

ლეგენდარული ჰოლანდიელი ფეხბურთელი იოჰან კრუიფი დარწმუნებულია, რომ მსოფლიოს მასშტაბით “ბარსელონა” უფრო პოპულარული კლუბია, ვიდრე მიუნხენის “ბაიერნი”. მისი თქმით, ასეთი ვითარება სრულიად ბუნებრივია.

“გლობალური მასშტაბით “ბარსელონა” უფრო პოპულარულია, ვიდრე “ბაიერნი”. მაგალითად, სამხრეთ ამერკაში ყველა უყურებს ესპანეთის ჩემპიონატს. იქ “ბარსელონა” გაცილებით ფასეული კლუბია, ვიდრე “ბაიერნი” და ასე იქნება ყოველთვის”, – ციტრებს კრუიფის სიტყვებს გერმანული გამოცემა “ბილდი”.

შეგახსენებთ, რომ იოჰან კრუიფი კატალონიური გუნდის ღირსებას 1973-დან 1978 წლამდე იცავდა. 1988–1996 წლებში კი, ის “ბარსელონას” მთავარი მწვრთნელის ამპლუაში თავკაცობდა.