ლაპორტა: “ყველაფერს გავაკეთებ იმისთვის, რომ მესიმ კარიერა “ბარსაში” დაასრულოს”
“ბარსელონას” პრეზიდენტმა ჟოან ლაპორტამ გუნდში ლიონელ მესის შესაძლო დაბრუნების თაობაზე ისაუბრა.
“გავაკეთე ის, რაც უნდა გამაკეთებინა – ჩვენი გუნდის ისტორიაში საუკეთესო ფეხბურთელზე მაღლა კლუბი დავაყენე. მესის ბავშვობიდან ვიცნობ და მიყვარს. ის ჩვენს ისტორიაში საუკეთესო მოთამაშეა და ყველაფერს გავაკეთებ იმისთვის, რომ მან კარიერა ლამაზად “ბარსას” ფორმით დაასრულოს.
გუნდში მისი დაბრუნება მინდა. ეს მარტივი საქმე არ იქნება, მაგრამ სწორი სტრატეგიით ამის გაკეთება შესაძლებელია. ვფიქრობ, რომ მესი ჩვენი გუნდის ისტორიაში ყველაზე მნიშვნელოვანი მოთამაშე იყო. ხანგრძლივი წარმატებული პერიოდის განმავლობაში ის გუნდის ლიდერი იყო.
“ბარსელონაში” ლეოს პერიოდი კარგად არ დფასრულებულა. რთული დრო იყო. გადაწყვეტილება უნდა მიგვეღო და კლუბი საუკეთესო მოთამაშეზე მაღლა დაგვეყენებინა.
ახლა იმაზე უნდა ვიმუშაოთ, რომ მესიმ კარიერა “ბარსელონას” ფორმით დაასრულოს. ყველაფერს გავაკეთებთ იმისთვის, რომ მას ის ფინალი მოვუწყოთ, რომელიც დაიმსახურა.
ახლა ამის სალაპარაკოდ საუკეთესო დრო არ არის, ვინაიდან ლეო “პარი სენ-ჟერმენის” მოთამაშეა. მას პარიზულ კლუბთან კონტრაქტით კიდევ ერთი წელი აკავშირებს და ამას პატივი უნდა ვცეთ”, – ლაპორტას კომენტარი cbssports-მა გამოაქვეყნა.
