მბაპემ “რეალის” ფანებს მიმართა
“პარი სენ-ჟერმენის” თავდამსხმელმა კილიან მბაპემ მადრიდის “რეალის” ფანებს მიმართა და აუხსნა მათ, თუ რატომ ამჯობინა “სამეფო კლუბში” გადასვლას პარიზში დარჩენა.
“მადლობას ვუხდი “რეალს” და მის პრეზიდენტ ფლორენტინო პერესს. ასეთი კლუბის ინტერესის ობიექტად ყოფნა პატივი და პრივილეგია იყო. რეალის” ფანების მადლიერი ვარ. თუ არ ჩავთვლით 14 წლის ასაკში ერთკვირიან პერიოდს, ამ კლუბის მაისური არასდროს ჩამიცვამს, თუმცა მადრიდელები ყოველთვის თავისიანად მიღებდნენ და ასეთი დამოკიდებულებისთვის მადლიერი ვარ.
“რეალის” ფანების იმედგაცრუების მესმის, მაგრამ, იმედია, ისინი გამიგებენ. მე სამშობლოში დარჩენა მსურდა. ფრანგი ვარ და მინდა, რომ განვითარება გავაგრძელო იმ ქვეყანაში, სადაც დავიბადე და გავიზარდე და რომელიც ოცნებების ახდენის შესაძლებლობას მაძლევს”, – მბაპეს კომენტარს MadeinFoot-ი აქვეყნებს.
შეგახსენებთ, რომ კილიან მბაპემ “პარი სენ-ჟერმენთან” კონტრაქტი 2025 წლამდე გაახანგრძლივა.
