მესის გასაოცარი ფეარ-პლეი თუ ყვითელი ბარათის მიღების შიში? (ვიდეო)

ესპანეთის პრიმერადივიზიონის მე-15 ტურში “ოსასუნასა” და “ბარსელონას” შორის გამართული მატჩის (0:3) მიმდინარეობისას საინტერესო ეპიზოდი განვითარდა.

ერთ-ერთ მომენტში ლიონელ მესიმ მეტოქეს გვერდი აუარა და მინდორზე დაეცა, რის შემდეგაც მთავარ არბიტრს ანიშნა, რომ კონტაქტი არ ყოფილა და ჯარიმა არ უნდა დაენიშნა. გულშემატკივართა ერთმა ნაწილმა არგენტინელ ფეხბურთელს ეს მოქმედება ფეარ-პლეის წესის დაცვაში ჩაუთვალა და საქციელი მოუწონა, ხოლო მეორე ნაწილი ფიქრობს, რომ მესიმ უნიჭოდ ისიმულიანტა და ყვითელი ბარათის მიღების შიშით არბიტრს უმალ ამცნო, ჯარიმა არ ყოფილაო.