მოურინიო აბრამოვიჩს მესის ყიდვას სთხოვდა

მთელი გასული სეზონის განმავლობაში ხშირად ისმოდა სპეკულაციები ლიონელ მესისა და “ბარსელონას” ხელმძღვანელობას შორის არსებული დაძაბული ურთიერთობის შესახებ. როგორც ირკვევა, ლონდონის “ჩელსი” ამ სიტუაცით სარგებლობას ცდილობდა.

კერძოდ, პარასკევს კატალონიურ ტელეკომპანია TV3-ზე გამოაცხადეს, რომ ინგლსური გუნდის მთავარ მწვრთნელი ჟოზე მოურინიო კლუბის მფლობელ რომან აბრამოვიჩს მესის ყიდვას სთხოვდა. წყაროს ცნობით, “ჩელსი” მზად იყო, არგენტინელი ფეხბურთელის სანაცვლოდ 150 მილიონი ევრო გაეღო, თუმცა არც მესი და არც “ბარსელონა” ამ წინადადებით არ დაინტერესებულან. პირიქით, კატალონიური გუნდის ლიდერმა კლუბთან კონტრაქტი 2019 წლამდე გაახანგრძლივა, მისი გამოსასყიდი თანხა კი 250 მილიონ ევროს შეადგენს.