მოურინიო: „რეალის“ ისტორიაში საუკეთესო მწვრთნელი ვარ“

მადრიდის „რეალის“ ყოფილმა თავკაცმა ჟოზე მოურინიომ განაცხადა, რომ ის „სამეფო კლუბის“ ისტორიაში საუკეთესო მწვრთნელია. ლონდონის „ჩელსის“ ამჟამინდელი ხელმძღვანელის თქმით, მან მადრიდში უნიკალურ შედეგს მიაღწია.

„მე „რეალის“ ისტორიაში საუკეთესო მწვრთნელი ვარ: 100 ქულა, 121 გოლი და ესპანეთის ჩემპიონის ტიტული. ჩვენ ვაჯობეთ „ბარსელონას“, რომელსაც იმ პერიოდში უძლიერესი შემადგენლობა ჰყავდა და თავის საუკეთესო თამაშს აჩვენებდა. ეს უნიკალური შედეგია“, – განაცხადა მოურინიომ ESPN-ის ეთერში.

შეგახსენებთ, რომ მოურინიო „რეალის“ მთავარი მწვრთნელის პოსტზე 2010–2013 წლებში მუშაობდა. მან ამ პერიოდის განმავლობაში თითო-თითოჯერ მოიგო ესპანეთის ჩემპიონატი (2011–12), ქვეყნის თასი (2010–11) და სუპერთასი (2012).

ბექა დოგრაშვილი