ოუენის პროგნოზი — ვინ მოიგებს პრემიერლიგას და ჩემპიონთა ლიგას?

“ლივერპულის”, მადრიდის “რეალისა” და “მანჩესტერ იუნაიტედის” ყოფილმა თავდამსხმელმა მაიკლ ოუენმა ინგლისის პრემიერლიგისა და ჩემპიონთა ლიგის მიმდინარე გათამაშებებზე საკუთარი პროგნოზი დააფიქსირა. ინგლისელი თვლის, რომ ამჟამინდელი ლიდერი ლონდონის “ჩელსი” ამ სეზონში ოქროს მედლების გარეშე დარჩება.

“მე მგონია, რომ პრემიერლიგას “ლივერპული” მოიგებს. ეს გუნდი ძალიან კარგად თამაშობს და თან ევროასპარეზზე მონაწილეობას არ იღებს. მეორე ადგილს, ვფიქრობ, “ჩელსი” დაიკავებს, მესამე “მანჩესტერ სიტი” იქნება. მეოთხე კი – “არსენალი”.

რაც შეეხება ჩემპიონთა ლიგას, ჩემი აზრით, აღნიშნულ ტურნირს “ბარსელონა” მოიგებს. ამ გუნდს საუკეთესო ფეხბურთელები ჰყავს”, – განაცხადა ოუენმა.