საქართველოს ძიუდოს ნაკრების წევრებმა უკრაინაში ჰუმანიტარული დახმარება გააგზავნეს.
ამის შესახებ ინფორმაცია უკრაინის სახელით მოასპარეზე წარმოშობით ქართველმა ძიუდოისტმა გიორგი ზანთარაიამ გაავრცელა. მსოფლიოსა და ევროპის ჩემპიონი ქართველ მეგობრებს მადლობას უხდის.
“უზომოდ მადლობელი ვარ ჩემი მეგობარი ქართველი ძიუდოისტებისა, რომლებიც ამ მძიმე დროს უკრაინას მხარს უჭერენ. ქართველმა ძიუდოსტებმა კიევში მაცხოვრებელ ადამიანებს საჭირო ჰუმანიტარული დახმარება გამოუგზავნეს. ეს დაგვეხმარება იმაში, რომ ომის პერიოდში ოჯახებს საჭირო პროდუქტები მივაწოდოთ. დიდი მადლობა, მეგობრებო!” – წერს ზანთარაია.
აღსანიშნავია, რომ ზანთარაია კიევში რჩება და მოსახლეობის დახმარებას აგრძელებს.