4 ქართველი ფეხბურთელი – ლუკა წულუკიძე, ლუკა გაგნიძე, ბექა ქავთარაძე და ილია ბერიაშვილი რუსეთს ტოვებენ. ბექა და ილია მამუკა ჯუღელის დახმარებით იყვნენ “როტორში”.

მთავარი ინტერესი ხვიჩა კვარაცხელიას და ზურიკო დავითაშვილის მიმართ, არის, რომლებიც “რუბინის” საკუთრებაში არიან.  როგორც რუსულ სპორტულ მედიაში წერენ, რუსეთს მალე ძალიან ბევრი ლეგიონერი დატოვებს და მათ შორის, დიდი ალბათობაა, ხვიჩა კვარაცხელიაც იყოს.

რაც არ უნდა გასაკვირი იყოს, ჯუღელის მხრიდან მიდის მუშაობა ბიჭებმა რუსეთი დატოვონ და მამუკასაც სურს, სხვა საფეხბურთო ბაზარზე გადაერთოს, რადგან რუსეთში უკვე აღარანაირი პერსპექტივა აღარ ჩანს.

პირველი – აუცილებელია ფეხბურთელებისთვის ახალი გუნდი 7 აპრილამდე უნდა მოიძებნოს, თუნდაც ქართული. ამის შემდეგ კი ყველაფერი გაკეთდეს იმისთვის, რათა 30 ივნისს კვლავ დაბრუნება არ მოუწიათ. იქნებ, მანამდე FIFA-მაც გაამკაცროს რეგულაციები.

6 თვის წინ მამუკა აცხადებდა, რომ ხვიჩას “საფეხბურთო მამა” იყო და მას ოჯახისგან 100%-იანი ნდობა ჰქონდა.

საინტერესო იქნებოდა, კვარას ნახვა ინგლისში…

საქართველოს ახალგაზრდული ნაკრების წევრმა ლუკა გაგნიძემ ლუკა წულუკიძესთან ერთად რუსეთი დატოვეს და კარიერას ევროპაში გააგრძელებენ.

19 წლის გაგნიძე რამდენიმე თვის წინ მოსკოვის “დინამომ” თბილისის “დინამოდან” 1.5 მილიონ ევროდ იყიდა და იჯარით “ურალში” გაუშვა.

გავრცელებული ინფორმაციით, მას ხელფასის სახით “ურალში” 25 ათასი ევრო ჰქონდა თვეში და მიუხედავად ამ ძალიან დიდი ანაზღაურებისა, რომელსაც, დიდი ალბათობით, ევროპაში ვერ შეთავაზებენ, მან წამოსვლა გადაწყვიტა.

რუსეთის ჩემპიონატს ლუკა გაგნიძესთან და ლუკა წულუკიძესთან ერთად კიდევ ორი ქართველი, ბექა ქავთარაძე და ილია ბერიაშვილი ტოვებენ.

ორივე მათგანი რუსეთის პირველი ლიგაში, “როტორში” თამაშობდნენ და რადგან კონტრაქტი უკვე ზაფხულში ეწურებათ, რუსეთში დაბრუნება საერთოდ აღარ მოუწევთ. ბერიაშვილს ბოლო მატჩში მონაწილეობაც არ მიუღია.

აღსანიშნავია, რომ ბიჭების აგენტი მამუკა ჯუღელია, წულუკიძე-გაგნიძეს კი ირაკლი ლილუაშვილთან აქვთ ურთიერთობა.

გავრცელებული ინფორმაციით, მუშაობა მიდის და ხვიჩა კვარაცხელია და ზურიკო დავითაშვილიც წამოსვლას აპირებენ.