თბილისის “ლოკომოტივმა” ოფიციალური განცხადება გაავრცელა.

“მიმდინარე ფინანსური მდგომარეობიდან გამომდინარე, ლოკომოტივი იძულებული გახდა უარი თქვას მოდელზე, რომლითაც ხელმძღვანელობდა ბოლო წლების განმავლობაში.
ვწუხავრთ, რომ ბევრი მცდელობის მიუხედავად ვერ ვახერხებთ შევინარჩუნოთ არსებული გუნდი, გიორგი ჭიაბრიშვილის ხელმძღვანელობით.

“შექმნილი გარემოების მთავარი მიზეზი გახლავთ ის, რომ ვერ მოხერხდა აქამდე არსებულ ფინანსურ წყაროებზე წვდომა.

“ჩვენ ვადასტურებთ, რომ გვაქვს ინფორმაცია სახელმწიფო დაფინანსების არსებობის შესახებ, თუმცა ჯერ არ ვიცით რა სტრუქტურით მოხდება თანხების განაწილება კლუბებზე.
ასევე მიუხადავად სპონსორთან მიღწეული შეთანხმებისა, კლუბის დაფინანსება დამოკიდებულია სათამაშო ბიზნესის ასოციაციის საერთო გადაწყვეტილებაზე, რომელიც უკავშირდება მათ სასპონსორო კუთხით ინტეგრაციას ქართულ სპორტში.

აღნიშნული მოცემულობები ართულებს პასუხისმგებლობის აღებას, ფეხბურთელების და კლუბში მომუშავე პერსონალის მიმართ.

თბილისის ლოკომოტივი თავისივე ფინანსური რესურსით გააგრძელებს წინსვლას და გუნდის ჩამოყალიბებას, რომლის მიზანიც ყოველთვის იყო ახალგაზრდა ფეხბურთელების განვითარება და მათი ხელშეწყობა”, – წერია განცხადებაში.

“ლოკო” მთავარი მწვრთნელის გარდა 13-მა ფეხბურთელმა დატოვა: მარკ სპენკელინკი, დავით უბილავა (კაპიტანი), ალექსანდრე გურეშიძე, გიორგი გაბაძე, ადამა ვადე, ნიკა სანდოხაძე, დავით სამურკასოვი, ბექა დარცმელია, თეიმურაზ შონია, თორნიკე კირკიტაძე, გიორგი დიასამიძე, მამია გავაშელიშვილი, ირაკლი სიხარულიძე.

თბილისის “ლოკომოტივმა” ოფიციალურად დაადასტურა მთავარი მწვრთნელის, გიორგი ჭიაბრიშვილის წასვლა.

“ლოკო” ჭიას გარდა 13-მა ფეხბურთელმა დატოვა: მარკ სპენკელინკი, დავით უბილავა (კაპიტანი), ალექსანდრე გურეშიძე, გიორგი გაბაძე, ადამა ვადე, ნიკა სანდოხაძე, დავით სამურკასოვი, ბექა დარცმელია, თეიმურაზ შონია, თორნიკე კირკიტაძე, გიორგი დიასამიძე, მამია გავაშელიშვილი, ირაკლი სიხარულიძე.

შესაძლოა, საქმე ხელფასების შემცირებას ეხებოდეს.

“გიორგი ჭიაბრიშვილმა ლოკომოტივის მთავარი მწვრთნელის პოსტი დატოვა. ურთიერთშეთანხმების საფუძველზე არსებული კონტრაქტი აღარ გაგრძელდა.გიორგი – დიდი მადლობა ჩვენთან გატარებული პერიოდისთვის და იმ უსაზღვრო ემოციებისთვის რომელიც ერთად გვქონდა!” – წერს “ლოკომოტივის” ოფიციალური გვერდი.

ჭიამ “ლოკო” 2020 წლის 6 ივლისს ჩაიბარა და ევროპა ლიგის მე-2 საკვალიფიკაციო ეტაპიდან მოსკოვის “დინამო” გამოაგდო.

გასულ სეზონში “ლოკომოტივმა” 53 ქულა დააგროვა და ევროტურნირებზე ვერ მოხვდა.

მოსალოდნელია, რომ გუნდიდან ლიდერებიც წავლენ.

ქუთაისის “ტორპედო” ახალი სეზონისთვის მზადებას სერიოზულად განაგრძობს და ახალ ტრანსფერებს ახორციელებს.

გავრცელებული ინფორმაციით, “ტორპედოში” გიორგი არაბიძე და ნოდარ ქავთარაძე ითამაშებენ. არაბიძე ცეცაძის ფავორიტი მოთამაშეა, ქავთარაძეს კი 2019 წელს ძალიან მაგარი სეზონი ჰქონდა.

მათ გარდა, ქუთაისურ გუნდს გიორგი ქიმაძე, გიორგი კუხიანიძე და გიული მანჯგალაძე შეუერთდებიან, ხოლო, თორნიკე ახვლედიანი და ლევან მჭელიძე კლუბში მინიმუმ 1 კიდევ სეზონს გაატარებენ.

ცეცაძეს დაცვის გაძლიერება სურს და მალე დაცვით ტრანსფერებსაც ვიხილავთ.

ბათუმის “დინამომ” გუშინ საქართველოს ნაკრების ყოფილი ნახევარმცველი ჯანო ანანიძე დაიმატა, რომელიც 1 თვის წინ “დინამო თბილისიდან” გამოუშვეს.

ანანიძე წარმოშობით აჭარიდან არის, ქობულეთელია და პირველი ნაბიჯებიც სწორედ ქობულეთის “შუქურაში” გადადგა, თუმცა მთავარი როლი ვინც, ჯანოს “დინამოში” ტრანსფერში ითამაშა, მამუკა კობახიძეა.

კობახიძე “დინამოს” კაპიტანი და ანანიძის უახლოესი მეგობარია. ბოლო 1 თვე ფეხბურთელები დროს თითქმის სულ ერთად ატარებდნენ.

ჯანოს და მამუჩიკოს ბოლო პოსტი ინსტაგრამზე. კობახიძე წლების განმავლობაში ბევრ რუსულ გუნდში, მათ შორის, ყაზანის “რუბინში”, “ალანიაში” და “მორდოვიაში” უთამაშია.