“რაიო ვალეკანოსთან” მინიმალური ანგარიშით წაგებული მატჩის შემდეგ “ბარსელონამ” მთავარი მწვრთნელის პოსტიდან რონალდ კუმანი გაათავისუფლა. დიდი ალბათობით, კუმანის წასვლა გუნდიდან კიდევ ერთი ფეხბურთელის წასვლას გამოიწვევს.

საუბარი “ბარსელონას” 31 წლის შემტევს ეხება, რომელიც “კამპ ნოუზე” ზაფხულის სატრანსფერო ფანჯარის მიწურულს გადაბარგდა არენდის წესით “სევილიადან”. რონალდ კუმანის წასვლის შემდეგ ლუკ დე იონგი კატალონიური გრანდის სამომავლო გეგმებში აღარ განიხილება.

ლა ლიგის წესდების თანახმად, ერთ ფეხბურთელს სეზონის განმავლობაში სამ განსხვავებულ კლუბში თამაშის უფლება არ აქვს. თუმცა, იქიდან გამომდინარე, რომ დე იონგს მიმდინარე სეზონში “სევილიას” მაისურით მატჩი არ ჩაუტარებია, სხვა კლუბშიც შეუძლია გადასვლა.

კატალონიის “ბარსელონამ” მთავარი მწვრთნელის პოსტიდან რონალდ კუმანი გაანთავისუფლა. ამ დროისთვის აქტიურად მიმდინარეობს მოლაპარაკებები კლუბის თავკაცის თანამდებობაზე ხავის დანიშვნის თაობაზე.

კატალონიური გამოცემების თანახმად, უკვე რამდენიმე კვირაა, რაც “ბარსელონა” ხავისთან მოლაპარაკებებს აწარმოებს. გუნდის ყოფილ ნახევარმცველს აქამდე არაერთხელ აღუნიშნავს, რომ “ბლაუგრანას” მწვრთნელად მუშაობა მისი ოცნებაა.

რაც შეეხება ხავის კლუბს, “ალ-სადს” ესპანელი სპეციალისტის კონტრაქტში გამოსასყიდ თანხად მხოლოდ 1 მილიონი ევრო აქვს მითითბული. ყატარული კლუბი ხავის ნაცვლად ლეგენდარული ფეხბურთელის ძმის, ოსკარ ჰერნანდესის, დანიშვნას აპირებს.

ლა ლიგის მეათე ტურში კატალონიის “ბარსელონა” გასვლაზე “რაიო ვალეკანოსთან” მინიმალური ანგარიშით დამარცხდა. მატჩიდან რამდენიმე საათში “ბლაუგრანას” ოფიციალურმა ვებ-გვერდმა რონალდ კუმანის განთავისუფლების შესახებ ოფიციალური განცხადება გააკეთა.

ლა ლიგაში განცდილი ზედიზედ მეორე მარცხის შემდეგ “ლურჯ-ბროწეულისფრები” სატურნირო ცხრილში მეცხრე პოზიციას იკავებენ – ჩემპიონატის საწყისი 10 შეხვედრიდან მათ მხოლოდ 4 შემთხვევაში იზეიმეს გამარჯვება. “ბარსელონას” ჩემპიონთა ლიგაზეც ძალიან ცუდი შედეგები აქვს – “ბაიერნთან” და “ბენფიკასთან” სამბურთიანი სხვაობებით წაგების შემდეგ, მათ მხოლოდ ერთი მოგება აქვთ (კიევის “დინამოსთან”).

“ბარსელონამ” რონალდ კუმანი მთავარი მწვრთნელის პოსტიდან გაანთავისუფლა. კლუბის პრეზიდენტმა, ჟოან ლაპორტამ, ამ გადაწყვეტილების შესახებ მას პირადად ამცნო “რაიო ვალეკანოსთან” მატჩის შემდეგ.

რონალდ კუმანი თავის გუნდს ხუთშაბათს “სიუდად დეპორტივაზე” დაემშვიდობება. “ბარსელონა” მას ყველაფერ საუკეთესოს უსურვებს და მადლობას უხდის ყველაფრისთვის, რაც კლუბისთვის გააკეთა,” – ვკითხულობთ კატალონიელთა ოფიციალურ ვებ-გვერდზე.

“ბარსელონაში” რონალდ კუმანის შემცვლელად ლეგენდარულ ხავის ელიან.