“პარი სენ-ჟერმენის” ყოფილმა ფეხბურთელმა, ჟერომ როტენმა, მაურისიო პოჩეტინოს მუშაობა გააკრიტიკა და აღნიშნა, რომ მთელი ამ დროის მანძილზე გუნდში პროგრესი არ შეინიშნება.
“ბოლო რვა მატჩის მანძილზე არცერთხელ არ ყოფილა ისეთი შემთხვევა, რომ “პარი სენ-ჟერმენი” 90 წუთის განმავლობაში კარგი ყოფილიყო. მათ მხოლოდ 20-30-წუთიანი მონაკვეთები აქვთ, კარგ შემთხვევაში კი ტაიმიანიც.
“მანჩესტერ სიტისთან” მატჩს გამონაკლისთა სიას მივაკუთვნებ. მაგრამ “ბრიუგესთან”, “ლიონთან”, “რენთან”, “ანჟერთან”, “ლაიფციგთან” და “მარსელთან” მატჩებში ხარისხი გვაკლდა. ვერ ვხვდები, რისი მიღება სურს პოჩეტინოს.
პოჩეტინო ამბობს, რომ ყველაფერი კონტროლის ქვეშ არის, გუნდი პროგრესირებს. მაგრამ მის გუნდს მხოლოდ რეგრესი აქვს და არანაირი პროგრესი,” – აცხადებს როტენი.