ბრაზილიური გამოცემა “ო დია” იუწყება, რომ ლეგენდარული ბრაზილიელი ფეხბურთელი პელე დღეს, სან პაულუს ერთ-ერთ საავადმყოფოში მოათავსეს.
პელემ თავი შეუძლოდ იგრძნო და გონება დაკარგა, რის შემდეგაც სასწრაფო წესით ჰოსპიტალში გადაიყვანეს. 80 წლის ბრაზილიელს სამედიცინო დაწესებულებაში სხვადასხვა სახის გამოკვლევას ჩაუტარებენ.
ცნობისათვის, 23 ოქტომბერს პელეს 81 წელი შეუსრულდება.
როგორც ჩანს, ქუთაისის “ტორპედოს” ახალი მფლობელი “ნიუ ვიჟენის” რექტორი, დავით კერესელიძე იქნება.
პირველი აუქციონი, რომელიც ქუთაისის მერიის მიერ იყო გამოცხადებული, ჩაიშალა, მაგრამ მე-2 აუქციონზე 10 ათას ლარიანი ე.წ. ბიჯი არის შეტანილი, რაც იმას ნიშნავს, რომ გუნდი მალე ახალი მფლობელის ხელში გადავა.
ვიცით, რომ აუქციონს აიეტ კუკავას “ალიენს ჰოლდინგ ჯგუფი” გამოეთიშა, რომელსაც შემოთავაზებული პირობები მე-2 ჯერზეც არ მოეწონა. კერესელიძემ კი მეტი რისკი გასწია და მზად არის “ტორპედო” 577 ათას ლარად შეიძინოს, დამატებითი ვალდებულებებით.
კერესელიძე უკვე ფლობს რამდენი სავარჯიშო სტადიონს ქუთაისში და მისი დამსახურებით, რამდენიმე თვის დავალიანებაც დაიფარა 1 თვის წინ.
თუ “ტორპედოს” შეძენა გსურთ, შეგიძლია აუქციონის ლინკზე გადახვიდეთ – Eauction.ge
ქუთაისის “ტორპედოს” მთავარი მწვრთნელი კახაბერ ჩხეტიანი პარტია “საქართველოსთვის” ქუთაისის საკრებულოს პროპორციული სიის მე-3 ნომერი იქნება.
ჩხეტიანმა უკვე გამართა შეხვედრა ქუთაისის, ბაღდათისა და წყალტუბოს ახალგაზრდებთან და მათთან სპორტის გამოწვევებზე, პრობლემებზე და მათი გადაჭრის გზებზე ისაუბრა.
შეგახსენებთ, რომ კახაბერ ჩხეტიანი ქუთაისის “ტორპედოს” მთავარი მწვრთნელის პოსტზე 20 ივნისს დაბრუნდა. მისი ხელმძღვანელობით, გუნდმა ეროვნული ლიგის მიმდინარე სეზონში სამი მატჩი გამართა, საიდანაც ერთი ფრედ დაასრულა, ორი კი წააგო.
მადრიდის “რეალის” ოფიციალური ვებ-გვერდი ადასტურებს ინფორმაციას ედუარდო კამავინგას ტრანსფერის განხორციელების შესახებ.
რამდენადაც ჩვენთვის ცნობილი ხდება, ახალგაზრდა პერსპექტიული ფეხბურთელი “რეალში” 6 სეზონს გაატარებს. მის ხელშეკრულებას ვადა 2027 წლის 30 ივნისს ეწურება.
პრესის ინფორმაციით “რეალმა” 18 წლის ფეხბურთელის ტრანსფერში 31 მილიონი ევრო გადაუხადა. შეთანხმება ბონუსებსაც მოიცავს.
🤍 #WelcomeCamavinga 🤍
👉 @Camavinga pic.twitter.com/DIDfHoc41t— Real Madrid C.F. 🇬🇧🇺🇸 (@realmadriden) August 31, 2021
“ლიდს იუნაიტედის” ოფიციალური ვებ-გვერდი ადასტურებს ინფორმაციას “მანჩესტერ იუნაიტედის” გარემარბ დენიელ ჯეიმსის ტრანსფერის შესახებ.
უელსელმა ფეხბურთელმა “ლიდსთან” ხელშეკრულება 2026 წლის ზაფხულამდე გააფორმა. 23 წლის ფეხბურთელის ტრანსფერში “მანჩესტერ იუნაიტედი” 24 მილიონს მიიღებს ბონუსებთან ერთად.
გასულ სეზონში დენიელ ჯეიმსმა პრემიერ ლიგის 15 მატჩში მიიღო მონაწილეობა და თავი სამი გატანილი გოლით გამოიჩინა.
✍️ #LUFC is delighted to 𝘧𝘪𝘯𝘢𝘭𝘭𝘺 confirm the signing of Dan James
— Leeds United (@LUFC) August 31, 2021
მერსესაიდული “ლივერპულის” კაპიტანმა, ჯორდან ჰენდერსონმა, კლუბთან ხელშეკრულება 2025 წლამდე გაახანგრძლივა.
ინგლისელი ფეხბურთელი “ლივერპულის” ღირსებას 2011 წლიდან იცავს. “ლივერპულთან” ერთად ჰენდერსონმა პრემიერ ლიგა, ჩემპიონთა ლიგა, უეფას სუპერთასი და მსოფლიოს საკლუბო ჩემპიონატი მოიგო.
An incredible journey continues… Thank you to all the fans for your support 🤝 @LFC pic.twitter.com/5ge8DPxrgU
— Jordan Henderson (@JHenderson) August 31, 2021
ხვალ, ტოკიოს პარალიმპიურ თამაშებზე საქართველოს დელეგაციის სამი წარმომადგენელი იასპარეზებს. ქართველი პარასპორტსმენები სამ სახეობაში მოსინჯავენ ძალებს.
1 სექტემბერი
ლადო ჭინჭარაული (პარასროლა, 10 მეტრზე პნევმატური შაშხანით)
ლადო ჭინჭარაული ათ მეტრზე პნევმატური შაშხანით (დახლზე დაყრდნობით) პარასროლაში მიიღებს მონაწილებოას. შეჯიბრი 04:30 საათზე დაიწყება
ნიკა თვაური (პარაცურვა, 100მ ბრასით)
ნიკა თვაური ასპარეზობას 04:32 საათზე დაიწყებს. ფინალში მოსახვედრად, საჭიროა, რომ ის 14 სპორტსმენიდან 8 საუკეთესოს შორის მოხვდეს.
დავით ქავთარაძე (პარამძლეოსნობა, სიგრძეზე ხტომა)
დავით ქავთარაძის ჯგუფი შეჯიბრს 04:39 საათზე დაიწყებს. შეჯიბრში სულ 12 პარამძლეოსანი მონაწილეობს.
ფოტო: საქართველოს ბანკი
“მანჩსტერ იუნაიტედში” დაბრუნებულმა კრიშტიანუ რონალდუმ სოციალურ ქსელში განცხადება გააკეთა. პორტუგალიელი სუპერვარსკვლავის ტრანსფერი ოფიციალურად დღეს დადასტურდა.
“ყველამ, ვინც მე მიცნობს, იცის “მანჩესტერ იუნაიტედის” მიმართ ჩემი უსასრულო სიყვარულის შესახებ. ამ კლუბში გატარებული წლები ნამდვილად გასაოცარი იყო, ჩვენ ერთად დიდებული გზა გავიარეთ და ისტორია ოქროს ასოებით ვწერეთ.
ჩემი გრძნობების სიტყვებით აღწერა არ შემიძლია. ჩემთვის ეს ოცნების ახდენის ტოლფასია. მთელი ამ დროის მანძილზე, მაშინაც კი, როდესაც ამ კლუბის მეტოქე ვიყავი, უსაზღვრო სიყვარულს ვგრძნობდი გულშემატკივრების მხრიდან.
პირველი საშინაო ჩემპიონატი, პირველი ტიტული, პირველი გამოძახება პორტუგალიის ნაკრებში, პირველი ჩემპიონთა ლიგა, პირველი ოქროს ბუცი და პირველი ოქროს ბურთი. ეს ყოველივე ჩემსა და “წითელ ეშმაკებს” შორის არსებულმა განსაკუთრებულმა გრძნობებმა წარმოშო. ისტორია დაიწერა და მის წერას გავაგრძელებთ! სიტყვას ვდებ!
მე აქ ვარ!
მე დავბრუნდი იქ, სადაც ჩემი ადგილია!
მოდი, კიდევ ერთხელ გავაკეთოთ ეს!
P.S. – სერ ალექს, ეს შენთვის არის…”
“მანჩესტერ იუნაიტედის” თავდამსხმელი, ედინსონ კავანი, დიდი ალბათობით, კარიერას “ბარსელონას” რიგებში გააგრძელებს. ამ ტრანსფერის შესახებ ინფორმაციას გავლენიანი უცხოური გამოცემები ადასტურებენ.
როგორც ცნობილი ხდება, ედინსონ კავანის “ოლდ ტრაფორდიდან” წასვლა გუნდში კრიშტიანუ რონალდუს მოსვლამ განაპირობა. პრემიერ ლიგის ოფიციალურ ვებ-გვერდზე კრიშტიანუს 7 ნომერი აქვს მიკუთვნებული, რომელიც აქამდე კავანის ეკუთვნოდა.
“ბარსელონას” რიგებს ზაფხულის სატრანსფერო ფანჯარაზე კუნ აგუერო შეუერთდა, რომელიც ამ დროისთვის ტრავმირებული გახლავთ. გუნდის მთავარი ცენტრფორვარდი კი მარტინ ბრაიტვეიტი გახლავთ.
უკრაინელმა პარასპორტსმენმა იგორ ცვეტოვმა ტოკიოს პარალიმპიურ თამაშებზე, 100 მეტრზე რბენაში ვერცხლის მედალი მოიპოვა. პირველი ადგილი რუსმა დმიტრი საფონოვმა დაიკავა, ბრინჯაოს მედლის მფლობელი კი რუსეთის წარმომადგენელი არტემ კალაშიანი გახდა.
დაჯილდოვების ცერემონიალზე უკრაინელმა რუსებთან ერთად საერთო ფოტოს გადაღება იუარა.
Во время награждения на Паралимпиаде украинский бегун Игорь Цветов отказался делать совместные фото со спортсменами из РФ.
Украинцы начинают понимать: сегодня фотографироваться с путинистами (а не лояльных режиму на Олимпиаду не отправят)—то же самое, как в 1943-м с гитлеровцами pic.twitter.com/nFxBzqfbAj
— Մιtαuskαs 🇱🇹🇺🇦 (@_A_Vit_) August 30, 2021
“მანჩესტერ იუნაიტედში” დაბრუნებული კრიშტიანუ რონალდუ “წითელი ეშმაკების” ღირსებას, სავარაუდოდ, კვლავინდებურად 7-ნომრიანი მაისურით დაიცავს. დღესდღეობით მე-7 ნომრით ურუგვაელი თავდამსხმელი ედინსონ კავანი თამაშობს, თუმცა კლუბს ნომრის ცვლილების თაობაზე პრემიერლიგისგან ნებართვის აღება შეუძლია.
შეგახსენებთ, რომ “მანჩესტერ იუნაიტედმა” გუნდში კრიშტიანუ რონალდუს დაბრუნების შესახებ პარასკევს გამოაცხადა. პორტუგალიელი ფეხბურთელი “ოლდ ტრაფორდს” 12-წლიანი პაუზის შემდეგ დაუბრუნდა. ის “წითელი ეშმაკების” ღირსებას 2003-დან 2009 წლამდე იცავდა, რის შემდეგაც მადრიდის “რეალს” მიაშურა.
“მანჩესტერ სიტის” ოფიციალური ვებ-გვერდი ადასტურებს ინფორმაციას, რომლის მიხედვითაც რუბენ დიაშმა კლუბთან ხელშეკრულება 2027 წლამდე გაახანგრძლივა.
პორტუგალიელი მცველი მანჩესტერულ გრანდში გასული წლის სექტემბერში გადაბარგდა. “ქალაქელებმა” “ბენფიკას” დიაშის სანაცვლოდ 68 მილიონი ევრო გადაუხადეს.
გასულ სეზონში 24 წლის ფეხბურთელმა “სიტის” მაისურით 50 მატჩში მიიღო მონაწილეობა და პრემიერ ლიგის წლის საუკეთესო ფეხბურთელადაც დასახელდა.
Delighted to extend my stay after a great first year in Manchester.
Thank you to everyone who has made me feel so at home.
Now we look forward. The work has only just begun 💪🏼🔵 pic.twitter.com/cgbRFzSVOE
— Rúben Dias (@rubendias) August 30, 2021
