“დინამო თბილისის” მთავარმა მწვრთნელმა, კახა ცხადაძემ “მაქაბი ჰაიფასთან” მატჩამდე პრესკონფერენციაზე როინ კვასხვაძეზე ისაუბრა.

“იმ სიტუაციიდან გამომდინარე, რაც ბოლო პერიოდში შეიქმნა და იმ ფსიქოლოგიური წნეხის გამო, რომელიც კვასხვაძეს აწუხებდა, ურთიერთშეთანხმების საფუძველზე თანამშრომლობის დასრულება გადავწყვიტეთ. მეკარისთვის ასეთი მდგომარეობა ძალიან მძიმეა. კვასხვაძე “დინამოში” აღარ არის. მას წარმატებებს ვუსურვებ”, – განაცხადა ცხადაძემ.

როინი “დინამოში” “ტორპედოდან” გადავიდა და გუნდის ძირითადის მეკარე იყო. ჩემპიონთა ლიგის საკვალიფიკაციო ეტაპზე მეკარემ ორივე მატჩში მძიმე შეცდომები დაუშვა, რაც “დინამოს” 2 გოლად დაუჯდა.

თბილისის “ლოკომოტივმა” გიორგი მამარდაშვილის წასვლის შემდეგ ჰოლანდიელი მეკარე დაიმატა.

“ლოკომოტივში” 24 წლის მარკ სპენკელინკი ითამაშებს, რომელიც “პსვ”-ს 21-წლამდეთა გუნდში იყო და 1 ივლისიდან თავისუფალი აგენტია. მანამდე “იგლზში” და “ტვენტეს” ახალგაზრდულშიც ირიცხებოდა.

სპენკელინკი სიმაღლეში 1.96 სმ-ია და 50 ათას ევროდ ფასობს.