ყოფილმა სპორტულმა დირექტორმა და აგენტმა ენრიკო ფედელემ ხვიჩა კვარაცხელიას ამხანაგურ მატჩებში მონაწილეობაზე ისაუბრა.
“პირველ რიგში, კვარა 100%-ით მზად არ არის. ის ჯერ კიდევ ტრავმის ეფექტს გრძნობს, რადგან როცა დრიბლინგს აკეთებს, მაქსიმალურ სიჩქარესა და ტურბოს არ რთავს. ძალიან ფრთხილობს, რადგან, შესაძლოა, ეშინია. შთაბეჭდილება მაქვს, ლობოტკაც არ არის კარგ ფორმაში” – განაცხადა ფედელემ.
ქართველმა ტრავმა ტრენტ-ალექსანდრ არნოლდთან შეჯახების შემდეგ მიიღო და მოედანზე ცოტა ხნის წინ დაბრუნდა.
თბილისის “დინამოს” გამორჩეული ლეგიონერი, იმრან ულად-ომარი, რომელმაც გუნდში გადასვლის შემდეგ 16 მატჩში 8 გოლი და 3 საგოლე პასი გააკეთა, შესაძლოა, უზბეკეთში წავიდეს.
გავრცელებული ინფორმაციით, იმრანს უზბეკური “სურხონი” ეპატიჟება, რომელიც, ალბათ, უკეთესს პირობებს სთავაზობს. “სურხონი” 14 კლუბიან ჩემპიონატში მე-11 ადგილზე გავიდა.
2022 წლის დასაწყისშიც დაახლოებითი მსგავსი რამ მოხდა, როცა ზორან მარუშიჩი “ნავბაჰორში” გადავიდა.
ნიდერლანდელ-მაროკოელს “დინამოსთან” კონტრაქტი 2023 წლის ბოლოს ეწურება.
კვიპროსის ნაკრების მთავარმა მწვრთნელმა თემურ ქეცბაიამ კატარის მსოფლიო ჩემპიონატზე ისაუბრა.
“რაც შეეხება მსოფლიოს, მე პირადად მომწონს. თვითონ ის პერიოდი, რა დროსაც ტარდება, მისაღებიც არის. წარმოიდგინე, ზაფხულში დღეში 4 თამაშის ნახვა, არც ისეთი ადვილი არის”
“თავიდან ხალხი სკეპტიკურად იყო განწყობილი, მაგრამ ყველას დაანახეს, რომ ყველაფერი იდეალურად არის. კვიპროსის ფეხბურთის ფედერაციის პრეზიდენტს ვესაუბრე, პირველი დღიდან იქ არის, რამდენ მსოფლიო ჩემპიონატზე არ ვარ ნამყოფი, მაგრამ ასეთი ჩემპიონატი არსად მინახავსო. მინდვრები, სტადიონები, ყველაფერი იდეალურადაა მოწყობილი. რატომ არ შეიძლება მსოფლიო კატარში ჩატარდეს? რატო არ შეიძლება, ღმერთმა ქნას, საქართველოშიც? რატომ უნდა ჩატარდეს მხოლოდ გერმანიაში, ინგლისსა ან საფრანგეთში?”
“რა თქმა უნდა, კატარი საფეხბურთო ქვეყანა არ არის, თუმცა შეუძლია უმაღლეს დონეზე ორგანიზება. თან, ფეხბურთელები ახლა გადაღლილები არ არიან. თითქოს, იმ 15 შეხვედრაში მსოფლიო ჩემპიონატისთვის მოემზადენ, რაც აქამდე ითამაშეს”
საფრანგეთის ნაკრები მსოფლიო ჩემპიონატის ნახევარფინალშია. ანტუან გრიზმანი მედიასთან ამხელს, რომ ევრო 2020-დან მოყოლებული დიდიე დეშამს თავისი მკაცრი წესები აქვს, რასაც ყველა ფეხბურთელი უნდა დაემორჩილოს.
“ჩვენ არ შეგვიძლია შევეხოთ ვინმეს, ოჯახის წევრებსაც კი. ეს ძალიან რთულია შესასრულებლად. ფეხბურთელების გარდა, გუნდის თანამშრომლებსაც ეხებათ ეს წესი, მაგრამ აუცილებლად უნდა შესრულდეს”
საინტერესოა, რომ გერმანიის ნაკრებში სრულიად განსხვავებული სიტუაცია იყო ამ მხრივ და გერმანია ჯგუფშიც ჩარჩა.
11 დეკემბერს, ლას ვეგასში გამართულ UFC-ის ღონისძიებაზე ილია თოფურიამ ბრწყინვალე გამარჯვება მოიპოვა. ქართველმა მებრძოლმა ამერიკელი ბრაის მიტჩელი მეორე რაუნდში დაამარცხა.
ილიას UFC-ში დაუმარცხებელია, მან ამ ორგანიზაციაში მეხუთე გამარჯვება მოიპოვა.
იხილეთ ვიდეო
Ilia Topuria böyle kazandı! #UFC282 🔥 pic.twitter.com/PKPzJGhOrw
— UFC Türkiye 🇹🇷 (@ufc_turkiye) December 11, 2022
Ilia Topuria’s boxing😮💨
— 🌴ᴛʜᴇᴀʀᴛᴏꜰᴡᴀʀ🌴 (@TheArtOfWar6) December 11, 2022
5-0 in the UFC, 13-0 overall@TopuriaIlia is the real. deal. #UFC282 pic.twitter.com/SFaCRmqX6d
— UFC (@ufc) December 11, 2022
საოცრად დაძაბული მატჩი ვიხილეთ არგენტინასა და ნიდერლანდების ნაკრებებს შორის. დაძაბული იყო მხარეებს შორის სიტუაცია შეხვედრამდეც.
მესიმ გოლი ლუის ვან გაალის წინ რიკელმეს სტილში აღნიშნა. როცა ვან გაალი “ბარსელონას” მთავარი მწვრთნელი იყო, რიკელმეს პრობლემები შეუქმნა და არგენტინელს გუნდიდან წასვლაც მოუცია.
გარდა ამისა, ვან გაალს ცუდი ურთიერთობა ჩამოუყალიბდა დი მარიასთან და ზოგადად, არგენტინელ ფეხბურთელებთან.
თამაშის შემდეგ ლეო ნიდერლანდების სამწვრთნელო შტაბთან მივიდა, რაღაცები უთხრა და გაჩუმებისკენ მოუწოდა.
Messi doing can’t hear you celebrations in front of Van Gaal.
Apparently Messi has an issue with Van Gaal for how he treated Riquelme in the past
After the match, Messi told Van Gaal he talks too much. pic.twitter.com/wCp44Bvboj
— The Pep (@GuardiolaTweets) December 10, 2022
გერმანიის ეროვნულ ნაკრებში იკვლევენ თუ რამ გამოიწვია გუნდის წარუმატებელი თამაში მსოფლიო ჩემპიონატზე.
ერთ-ერთ მიზეზად ფეხბურთელების უდისციპლინობას ასახელებენ. როგორც Bild წერს, ჯგუფური ეტაპის დროს მოთამაშეები დიდ დროს ცოლებთან და მეგობარ გოგონებთან ერთად ატარებდნენ და ნაკლებად იყვნენ ფოკუსირებულნი მატჩებზე.
გოგონები 5 ვარსკვლავიან სასტუმროში იყვნენ გაჩერებულნი, სადაც 1 ღამის ღირებულება 1400 ევროს სცდება.
ფეხბურთელების ასეთმა რეჟიმმა სიტუაციის დაძაბვა გამოიწვია ნაკრების მენეჯერებთან და საბოლოოდ ყველაფერი გერმანიის ჯგუფში ჩარჩენით გამოიხატა.
ბოლო დროს კრიშტიანო რონალდოს მიმართ ძალიან დიდი უარყოფითი განწყობაა შექმნილი. ეს მომენტი მსოფლიო ჩემპიონატის ჯგუფური ეტაპის მატჩის დროს არის დაფიქსირებული.
Media will make up fake stories about Cristiano Ronaldo but won’t show you this.pic.twitter.com/pOCFUPA0Hp
— Preeti (@MadridPreeti) December 7, 2022
ბრაზილიის ნაკრები ხვალ ხორვატიას დაუპირისპირდება. მატჩის პრესკონფერენციაზე, რომელსაც ვინისიუს ჯუნიორი ესწრებოდა, უეცრად კატა გამოჩნდა.
კატა მაგიდაზე ავიდა და ბრაზილიელთა მედია ოფიცერმა ძალიან უხეშად ხელი მოჰკიდა და ძირს ჩააგდო.
გავრცელებულმა ვიდეომ დიდი უარყოფითი გამოხმაურება გამოიწვია, რამაც ბრაზილიურ მხარეს აიძულა ბოდიში მოეხადა.
ცხოველთა უფლებადამცველები იმედოვნებენ, რომ ეს ადამიანი ისწავლის კატებთან მოქცევას და ისე გაიღიმებს, როგორც ვინისიუსი. ხოლო, თუ კატას თავშესაფარი არ აქვს, მალე ექნება.
Simplesmente um GATO pulou na mesa na coletiva do Vini Jr! 😺
📹: @simpraisa pic.twitter.com/D7WCQqfeMn
— GOAL Brasil (@GoalBR) December 7, 2022
“რომას”, “ლაციოს”, “პალერმოს”, “ინტერისა” და სხვა იტალიური გუნდების სპორტულმა დირექტორმა ვალტერ საბატინმა ხვიჩა კვარაცხელიაზე და ლევან მჭედლიძეზე ისაუბრა.
“კვარა ფეხბურთისთვის უცხო ტერიტორიიდან მოდის. ადვილია ფეხბურთელი არგენტინიდან ან ბრაზილიიდან წამოიყვანო, მაგრამ საქართველოდან სარისკოა. მე დავიმატე წლების წინ მოთამაშე საქართველოდან, ლევან მჭედლიძე. ძალიან ძლიერი, მაგრამ ცოტა სულელი. ტურინში “იუვენტუსს” გაუტანა “პალერმოში” დებიუტისას და ის თამაში მოვიგეთ. კვარა ლოკომოტივია, რევოლუციონერია”
“რა ღირს ის? არაფერი, რადგან მას არ გაყიდიან. კიმმაც ძალიან გამაოცა. საერთო ჯამში, “ნაპოლის” სატრანსფერო ფანჯარა მშვენიერი გამოვიდა. ბრძნული და გაბედული გადაწყვეტილებები მიიღეს” – განაცხადა საბატინიმ.
რატომღაც, საბატინი ძალიან ხშირად ახსენებს ლევან მჭედლიძეს უარყოფით კონტექსტში.
კრიშტიანო რონალდო ფერნანდუ სანტუშმა შვეიცარიასთან ძირითადში არ დააყენა, მის ნაცვლად გონსალო რამოშმა ითამაშა, რომელმაც ჰეთრიკი შეასრულა.
რონალდო მხოლოდ შეცვლაზე შევიდა და მაროკოს წინააღმდეგ, პრაქტიკულად გადაწყვეტილია, რომ კვლავ სკამიდან დაიწყებს.
ფეხბურთელები უკვე აქტიურად ემზადებიან 10 დეკემბერს გასამართი მატჩისთვის, რაზეც ლეგენდაზეც ვერ ვიტყვით. მას სათადარიგო მოთამაშეებთან ერთად უნდა ევარჯიშა, მაგრამ ამაზე უარი თქვა და დარბაზში განცალკევებულად ივარჯიშა.
ვნახოთ, ვინ გაიმარჯვეს. სანტუში თუ რონალდო.
ლაზარე კუპატაძე და თორნიკე ოქრიაშვილი უკვე რამდენიმე თვეა უგუნდოდ არიან.
გავრცელებული ინფორმაციით, შესაძლოა, ორივე მათგანმა კარიერა ეროვნულ ლიგაში გააგრძელოს. მათ შორის, “საბურთალოში”, გორის “დილასა”, თბილისის “დინამოსსა” ან ბათუმის “დინამოში”.
გარდა ამისა, ბიჭებს შემოთავაზებები უცხოეთიდანაც აქვთ, თუმცა მათ შედარებით გამორჩეულ ლიგაში სურთ გადასვლა.
კუპატაძე ბოლოს ბათუმის “დინამოში” თამაშობდა, თუმცა გეგუჩაძის გადაწყვეტილებით, კლუბიდან გაუშვეს.
ოქრიაშვილმა სამხრეთ კორეულ “ჩონბუკში” სამედიცინო შემოწმება ვერ გაიარა. თვითონ, ოქრიმ თქვა, რომ შემოწმებაზე არც ჩასულა და როცა გაიგეს, რომ ტრავმისკენ მიდრეკილი მოთამაშე იყო, კონტრაქტი აღარ გაფორმდა. არადა, ყველაფერი შეთანხმებული იყო.
