ჩრდ.მაკედონიას ნაკრებმა გუშინ ვარჯიშზე 45 წუთით დააგვიანა, რამაც გუნდის მთავარი მწვრთნელისა და წარმომადგენლების უკმაყოფილება გამოიწვია.

როგორც ჩრდ.მაკედონიური “ეკიპა” წერს, გუნდის გადაადგილებაზე პასუხისმგებელი ქართული მხარეა, რომლის წყალობითაც, საცობში მოხვედრილი მეტოქე ვარჯიშზე 45 წუთის დაგვიანებით გამოცხადდა.

“ასე მოხდა. არ ვიცით, ეს პროვოკაციაა თუ პროფესიონალიზმის ნაკლებობა. ამის გამო, ნაკრებს ნაკლები ვარჯიში მოუწია” – ekipa.mk.

გამოცემა ბოლოს ამატებს, რომ ჩრდ.მაკედონია საქართველოს ფეხბურთის ფედერაციას UEFA-ში უჩივლებს.

როგორც ჩანს, ჩრდ.მაკედონია ყველანაირ მიზეზს ამზადებს მატჩის შემდეგ წაგების ასახსნელად.

საქართველოს ნაკრების მთავარმა მწვრთნელმა ვილი სანიოლმა ჩრდ.მაკედონიასთან მატჩის წინ პრესკონფერენცია გამართა.

“ჩრდ.მაკედონია ჩემთვის ჯგუფში ყველაზე ძლიერი ნაკრები იყო. ჩრდ.მაკედონია ევროპაზე გავიდა, იტალია გამოაგდო, თუმცა ყველა ციკლს თავისი თავისებურებები აქვს. ძალიან იმედგაცრუებულები ვიქნებით, თუ პირველ ადგილს ვერ დავიკავებთ. შესაძლოა, ახლა ჩვენ ვითვლებით სხვადასხვა ბუკმეიკერული თუ ანალიტიკური გვერდებით ფავორიტებად, მაგრამ ეს ჩემთვის არაფერს ნიშნავს. ყველაფერი ისე ხდებოდეს, როგორც ბუკმეიკერები ფიქრობენ, ახლა ყველა მაიამიზე ვიქნებოდით”

“შეუძლებელია თამაში ისე დაიწყო, რომ მიზნად გქონდეს დასახული 1 ქულის აღება. წარმატების საუკეთესო რეცეპტია, გავაგრძელოთ იმის კეთება, რაც აქამდე კარგად გამოგვდიოდა და გავაკეთოთ ის, რაც ივნისში ასე პროფესიონალურად შევასრულეთ.”

“როცა ჩამოვედი 18 თვის წინ, სიტუაცია განსხვავებული იყო. ახლა ბევრი ფეხბურთელი მაღალ დონეზე თამაშობს, ტოპ 5-ში გამოდიან, მაგრამ უნდა აღვნიშნოთ, რომ ისინი ქართული კლუბების აღზრდილები არიან და ფედერაციასაც დიდი წვლილი მიუძღვის. შეიძლება ითქვას, რომ ყველაზე იღბლიანი მწვრთნელი ვარ ნაკრების ისტორიაში”

“დილამდე დაველოდები ბუკმეიკურ საიტებს, მამარდას ექნება მეტი თუ ლორიას და ისე მივიღებ გადაწყვეტილებას”

“ყველა მატჩს თავისი ისტორია აქვს, თუ მზად ხარ, თუ მზად ხარ ყველაფერი გაიღო, მაშინ ყველაფერი წარმატებულად დასრულდება. გუნდში ძალიან ჯანსაღი გარემოა და დადებითი განწყობაა”

შეხვედრა ხვალ 20:00 საათზე დაიწყება.

 

საქართველოს ეროვნული საფეხბურთო ნაკრები დღეიდან უეფას ერთა ლიგის მატჩებისთვის მზადებას იწყებს.

ვილი სანიოლის გუნდი პირველ ვარჯიშს ს.კ. ზესტაფონის თბილისის ზღვის ბაზაზე არასრული შემადგენლობით გამართავს. რამდენიმე ლეგიონერი ნაკრების საწვრთნელ შეკრებას 20 სექტემბრიდან შეუერთდება.

მთავარი მწვრთნელის მიერ დასახელებულ პირველად შემადგენლობაში ერთი იძულებითი ცვლილებაა. დინამო თბილისის წევრმა ჯიმი ტაბიძემ კრისტალბეთ ეროვნული ლიგის ბოლო ტურში სათამაშო ეპიზოდში შეჯახებისას ტვინის შერყევა მიიღო  და ეროვნულ ნაკრებს ვერ დაეხმარება. ჯიმი ტაბიძეს საქართველოს ნაკრების განაცხადში ბათუმის დინამოს წევრი გრიგოლ ჩაბრაძე შეცვლის.

საქართველოს ნაკრების შემადგენლობა

მეკარე: გიორგი ლორია („ანორთოსისი“, ფამაგუსტა, კვიპროსი), გიორგი მამარდაშვილი („ვალენსია“, ესპანეთი), ლევან შოვნაძე („სამგურალი“, წყალტუბო, საქართველო)

დაცვა: გურამ კაშია („სლოვანი“, ბრატისლავა, სლოვაკეთი), ოთარ კაკაბაძე („კრაკოვია“, კრაკოვი, პოლონეთი), დავით ხოჭოლავა („კოპენჰაგენი“, დანია), სოლომონ კვერკველია („ნეფთჩი“, ბაქო, აზერბაიჯანი), ლუკა ლოჩოშვილი („კრემონეზე“, კრემონა, იტალია), გურამ გიორბელიძე („ზაგლებიე“, ლუბინი, პოლონეთი),  ირაკლი აზაროვი („ცრვენა ზვეზდა“, ბელგრადი, სერბეთი), გრიგოლ ჩაბრაძე („დინამო“, ბათუმი, საქართველო)

ნახევარდაცვა/თავდასხმა: საბა ლობჟანიძე („ჰატაისპორი“, ანტაკია, თურქეთი), გიორგი წიტაიშვილი („ლეხი“, პოზნანი, პოლონეთი), ნიკა კვეკვესკირი („ლეხი“, პოზნანი, პოლონეთი), ანზორ მექვაბიშვილი („დინამო“, თბილისი, საქართველო), გიორგი აბურჯანია („ჟილ ვისენტე“, ბარსელუში, პორტუგალია), გიორგი ჩაკვეტაძე („სლოვანი“, ბრატისლავა, სლოვაკეთი), ვლადიმერ მამუჩაშვილი („დინამო“, ბათუმი, საქართველო), ზურიკო დავითაშვილი („ბორდო“, საფრანგეთი), ხვიჩა კვარაცხელია („ნაპოლი“, ნეაპოლი, იტალია), ვაკო ყაზაიშვილი („ულსან ჰიუნდაი“, სამხრეთ კორეა), გიორგი მიქაუტაძე („მეცი“, საფრანგეთი), ბუდუ ზივზივაძე („ფეჰერვარი“, სეკეშფეჰერვარი, უნგრეთი)