ხვიჩა კვარაცხელიამ ჩრდ.მაკედონიასთან 0-3 მოგების შემდეგ კომენტარი გააკეთა.

“მნიშვნელოვანი 3 ქულა მოვიპოვეთ. ჯგუფში ვლიდერობთ, ძალიან კარგი თამაშიც ვაჩვენეთ და შედეგიც სახეზეა. მადლობა მინდა გულშემატკივარს გადავუხადო, რომელიც დაწყების მომენტიდან არ გაჩერებულა. უღრმესი მადლობა, ვინც მოვიდა ან სახლიდან გვქომაგობდა”

“ვფიქრობთ, მათი დაპატიჟებაც არ გვჭირდება. ქართველმა გულშემატკივარმა იცის ყველაფერი. ველოდებით 12-ის თამაშს. ვიცით, რომ ჩვენ გვერდით იქნებიან და კიდევ ერთ გამარჯვებას დავდებთ.”

“4-დან 4 გამარჯვება უნდა მოვიპოვოთ გულშემატკივართან ერთად” – განაცხადა ხვიჩამ.

კვარაცხელია 3 გოლით ტურნირის საუკეთესო ბომბარდირია.

საქართველოს ნაკრებმა ჩრდ.მაკედონია 0-3 დაამარცხა და ჯგუფში 9 ქულით პირველ ადგილზეა.

წინა მატჩში ჩვენმა ნაკრებმა ბულგარეთი 2-5 გაანადგურა. მანამდე კი გიბრალტარი 4-0 დავამარცხეთ.

ჯამში გუნდმა 12 გოლი გაიტანა და ამ მაჩვენებლით ტურნირზე ყველა გუნდს სჯობნის. ყველაზე ახლოს 10 გოლით თურქეთია, 7-7 გოლით კი ბელგია და პორტუგალია მოდიან.

კარში დარტყმების რაოდენობით (57) ნაკრები პირველ პოზიციაზეა და უახლოეს ჩრდ.მაკედონიას 14-ით ვუსწრებთ.

გათამაშების ბომბარდირი 3 გოლით ხვიჩა კვარაცხელია არის. 3 გოლი აქვთ – ჰალანდს, სერდარ დურსუნსა და ბაკაშეტაშს.

საგოლე პასებით წიტაიშვილი (2) და კვარაცხელია (2) მხოლოდ ბერნარდო სილვას (3) ჩამორჩებიან.

კარში დარტყმების რაოდენობით მხოლოდ კრიშტიანო რონალდო (7) უსწრებს ჟორჟ მიქაუტაძესა (6) და კვარაცხელიას (6).

 

 

საქართველოს ნაკრებმა ჩრდ.მაკედონია სტუმრად 0-3 დაამარცხა და ჯგუფს 9 ქულით ლიდერობს.

გოლები კვარამ, ბუდუ ზივზივაძემ და კიტეიშვილმა გაიტანეს.

Sofascore-მა მატჩის საუკეთესო ფეხბურთელად შეცვლაზე შემოსული ოთარ კიტეიშვილი დაასახელა და მას 7.9 ქულა დაუწერა

შემდეგ ხვიჩა კვარაცხელიამ 7.6, ბუდუ ზივზივაძემ 7.4 მიიღო. გიორგი წიტაიშვილმა, გიორგი მამარდაშვილმა და ნიკა კვეკვესკირმა კი 7.2 ქულა დაიმსახურეს.

ყველაზე ცოტა 6.4 ოთარ კაკაბაძემ.