პრაქტიკულად გადაწყვეტილია, რომ გიორგი ჩაკვეტაძეს “ჰამბურგი” არ გამოისყიდის და ფეხბურთელს ბელგიაში დაბრუნება მოუწევს.

ჩაკვეს ბელგიელებთან კონტრაქტი კიდევ 1 წლით აკავშირებს, თუმცა ბელგიაში თამაში პრაქტიკულად არ უწევდა.

ვარჯიშებზე ნაკლებ აქტიურობას სანიოლი და “ჰამბურგის” მწვრთნელიც აღნიშნავდნენ.

2 დღის წინ თემურ ქეცბაიამ ჩაკვეს “ანორთოსისში” წასვლა შესთავაზა.

თავის მხრივ, მისი დამატების წინააღმდეგი თბილისის “დინამოც” არ არის.

შესაბამისად, დღეს გიორგის 3 ვარიანტი აქვს: დაბრუნება “გენტში”, “ანორთოსისი” და “დინამო”.

ზოგიერთი ფიქრობს, რომ ქეცბაია ზედმეტად პირდაპირი ტიპის ადამიანია და სათქმელს მოთამაშეს პირდაპირ ეუბნება. დღევანდელი ფიზიკური და ფსიქოლოგიური მდგომარეობიდან გამომდინარე კი მისი ქეცბასთან წასვლა ნაკლებად სწორი იქნება.

თბილისის “დინამოში” კი მას გაცილებით მეტი ხელშეწყობა ექნება და მუდმივი სათამაშო პრაქტიკა.

არჩევანი მასზეა. ფაქტია, “გენტში” მისი წასვლა კიდევ ერთ დაკარგულ წელს ნიშნავს.

საქართველოს ნაკრების შემტევი გიორგი წიტაიშვილი, უნგრული პრესის ინფორმაციით, კარიერას “ფერენცვაროშში” გააგრძელებს.

“ფერენცვაროში” აპირებს კიევის “დინამოდან” წიტაიშვილის ტრანსფერი გამოისყიდოს.

გიორგი ბოლოს კრაკოვის “ვისლაში” ასპარეზობდა და ფანებში დიდი სიყვარული დაიმსახურა, თუმცა პოლონეთში დარჩენა აღარ მოისურვა.

“ფერენცვაროშში” 2 ქართველი – ლაშა დვალი და გიორგი ხარაიშვილი ირიცხებიან, მაგრამ სათამაშო დრო არ ეძლევათ. თან, მთავარი მწვრთნელი რუსი ჩერჩესოვია.

ბათუმის “დინამოს” პრეზიდენტმა არჩილ ბერიძემ sport-express-თან ხვიჩა კვარაცხელიაზე უსაბრა.

“ფლამარიონი ჩვენ გვეკუთვნოდა და “როტორში” გავუშვით, სადაც კარგი სეზონი ჰქონდა. ბათუმში ყველა ფეხბურთელი (ზურიკო, ხვიჩა, ჯოვინო, ჯანო) იმიტომ მოვიდა, რომ იციან: “დინამო” დღეს საუკეთესო კლუბია საქართველოში. რა თქმა უნდა, კონტრაქტის გაფორმება მაინც საკმაოდ რთული აღმოჩნდა. დიდი დამსახურება ამაში ოთხივე ფეხბურთელის აგენტს – მამუკა ჯუღელს ეკუთვნის. ჩვენ დიდი ხანია ვთანამშრომლობთ და მსურს მადლობა გადავუხადო მას დახმარებისთვის. ვფიქრობ, ჩვენი ურთიერთობის დამსახურებაა ამდენი კარგი ფეხბურთელის გადმოსვლა”

“პირველ რიგში უკრაინის ამბების გამო მოხდა ხვიჩას წამოსვლა. ერთ-ერთ საუბარში მამუკასთან ერთად თავში მოგვივიდა “დინამოში” მისი ტრანსფერი და მუშაობა დავიწყეთ ამ თემაზე. საბოლოო ჯამში, ყველაფერი გამოვიდა და მივიღეთ ასეთი მაგარი ფეხბურთელი. მარტის შემდეგ ის საქართველოში დარჩა და მის დონეს ყველა მატჩში აჩვენებს”

“რა თქმა უნდა, “რუბინის” დარი ხელფასი ვერ შევთავაზეთ, მაგრამ საქართველოს დონეზე მსგავსი ხელფასი სხვებისთვის უბრალოდ მიუღწეველია. ხვიჩას დიდ თანხას ვუხდით”.

კვარაცხელია ზაფხულიდან კარიერას “ნაპოლიში” გააგრძელებს.