პედრო: ბარსელონასა და ატლეტიკოს შანსები 50-50-ზეა

პედრო როდრიგესმა მიმდინარე ლა ლიგის გათამაშებაზე კომენტარი გააკეთა.

ესპანელმა ფეხბურთელმა განაცხადა, რომ ამ მომენტისთვის “ბარსელონასა” და “ატლეტიკოს” შანსები თანაბარია.

“მიმაჩნია, რომ ამჟამად ლა ლიგაში, “ბარსელონასა” და “ატლეტიკოს” შანსები 50-50-ზეა. მადრიდელების უპირატესობა ის არის, რომ 3 ქულით ჩვენზე წინ არიან, თუმცა ჩვენც გვაქვს უპირატესობა – უკანასკნელი ტური, რომელსაც მათ წინააღმდეგ ვმართავთ “კამპ ნოუზე”.

“ბარსელონას” ლა ლიგის მოგებისთვის მეორე შანსი მიეცა, რის გამოც უპირატესობების გამოყენება აუცილებელია. თუმცა სანამ “ატლეტიკოზე” დავიწყებთ ფიქრს, ჯერ “ელჩე” უნდა დავამარცხოთ”, – განაცხადა პედრომ.

შეგახსენებთ, რომ მას შემდეგ, რაც “რეალმა” გასულ ტურში ვერ მოახერხა “ვალიადოლიდის” დამარცხება, “ბარსელონას” ჩემპიონობისთვის გზა ფართოდ გაეხსნა.