პეპემ შესაძლოა ფინალი გამოტოვოს

უდიდესი საფრთხის წინაშე დადგა მადრიდის “რეალი”.

ჩემპიონთა ლიგის ფინალში, შესაძლოა დაცვის ცენტრის უცვლელმა ფეხბურთელმა, პეპემ ვერ შეძლოს თამაში.

როგორც ცნობილია, პორტუგალიელმა მცველმა ტრავმა, ლა ლიგის გასულ ტურში მიიღო, სადაც “ვალიადოლიდმა” “რეალს” უმასპინძლა. შეხვედრა ფრედ 1:1 დასრულდა, პეპემ კი 90 წუთი ითამაშა, თუმცა იყო მცირე ინციდენტი, რის შედეგადაც მან ტრავმა მიიღო.

ამის მიუხედავად, თავად ფეხბურთელმა უარი თქვა მოედნიდან გასვლაზე და მატჩი ბოლომდე დაამთავრა.

დღეს ცნობილი გახდა, რომ პეპეს ტრავმა სერიოზულია და მან შესაძლოა ვერ მოახერხოს ლიგის ფინალისთვის გამოჯანმრთელება.

შეგახსენებთ, რომ ფინალი, რომელშიც “რეალი” “ატლეტიკოს” უპირისპირდება, 24 მაისს იმართება, პორტუგალიაში.