ფრანსის კოკლენი “არსენალიდან” “ვალენსიაში” გადავიდა

ფრანგი მცველი ფრანსის კოკლენი ლონდონის “არსენალიდან” “ვალენსიაში” გადავიდა. “ღამურებსა” და 26 წლის ფეხბურთელს შორის გაფორმებულ შრომით ხელშეკრულებას ძალა 2022 წლის 30 ივნისამდე ექნება. კოკლენის გამოსასყიდი თანხა 80 მილიონი ევრო იქნება. ფეხბურთელი ესპანურ გუნდში 17-ნომრიანი მაისურით ითამაშებს.

ტრანსფერის ღირებულება ოფიციალური მხრიდან არ ხმაურდება. პრესაში გავრცელებული ინფორმაციით, ვალენსიელებმა კოკლენის სანაცვლოდ “არსენალს” 13,5 მილიონი ევრო გადაუხადეს.

შეგახსენებთ, რომ ფრანსის კოკლენი “მეთოფეთა” ღირსებას 2008 წლიდან იცავდა. მან ამ პერიოდის განმავლობაში 160 ოფიციალური მატჩი ჩაატარა, ორჯერ მოიგო ინგლისის ფეხბურთის ასოციაციის თასი, ერთხელ კი ქვეყნის სუპერთასს დაეუფლა.