რა პერიოდი გაუცდება მესის?

მოგეხსენებათ, ესპანეთის პრიმერადივიზიონის მე-7 ტურში, “ალმერიას” წინააღმდეგ გამართული მატჩის 27-ე წუთზე “ბარსელონას” ფეხბურთელმა ლიონელ მესიმ ტრავმა მიიღო და შესაცვლელი გახდა. “მუნდო დეპორტივოს” ცნობით, არგენტინელი თავდამსხმელი კატალონიურ გუნდს ერთი კვირის განმავლობაში ვერ დაეხმარება. შესაბამისად, მესი ჩემპიონთა ლიგის ჯგუფური ეტაპის მეორე ტურში, გლაზგოს “სელტიკის” წინააღმდეგ გასამართ მატჩს გამოტოვებს. წყაროს ინფორმაციით, “ბარსელონას” ლიდერმა მუხლქვედა მყესი
დაიშავა.
შეგახსენებთ იმასაც, რომ “ალმერიასა” და “ბარსელონას” შორის გამართული მატჩი კატალონიელტა გამარჯვებით, ანგარიშით 2:0 დასრულდა. პირველი გოლი სწორედ მესის ანგარიშზეა.
გოლის ამსახველი ვიდეომასალის ხილვა შგიძლიათ აღნიშნულ ბმულზე: მესის ბრწყინვალე გოლი “ალმერიასთან”