“რეალი” ბენიტესის შემცვლელად გვარდიოლას იწვევდა?

“ბიბისი”-სთვის მიცემულ ინტერვიუში ცნობილმა სპორტულმა ჟურნალისტმა გრემ ჰანტერმა განაცხადა, რომ მადრიდის “რეალის” ხელმძღვანელობა კლუბის მთავარი მწვრთნელის პოსტზე ხოსეპ გვარდიოლას კანდიდატურას განიხილავდა, თუმცა, საბოლოო ჯამში, რაფაელ ბენიტესი ზინედინ ზიდანმა შეცვალა.

“ექვსი კვირის უკან “რეალი” გვარდიოლას დაუკავშირდა, რათა მხარეებს კლუბის შესაძლო ჩაბარების საკითხი განეხილათ. ეს ხაზს უსვამს იმ ფაქტს, რომ გვარდიოლა ნებისმიერი გუნდისთვის საუკეთესო ვარიანტია. პეპი “რეალის” მთავარი მეტოქის წარმომადგენელია და მადრიდელთა მხრიდან მისი მოწვევა მიუთითებს იმაზე, რომ გუნდში სერიოზული პრობლემებია”, – აღნიშნა ჰანტერმა.