რეიესი: “შანსებს თანაბრად ვაფასებ, მატჩი 0:0 იწყება”
უეფას სუპერთასის მატჩისწინა პრესკონფერენციაზე “სევილიას” შემტევმა ნახევარმცველმა ხოსე ანტონიო რეიესმა განაცხადა, რომ “ბარსელონას” დასამარცხებლად გუნდი ყველაფერს გააკეთებს.
“შარშანაც გვქონდა სუპერთასის მოგების შანსი, მაგრამ ვერ გამოვიყენეთ. არ ვთვლი, რომ აუთსაიდერები ვართ. გამარჯვებისთვის კარგადაც უნდა ვითამაშოთ. ჩვენი მიზანი ევროპის საუკეთესო ჩემპიონატებში თამაშია.
ზედიზედ ორჯერ მოვიგეთ ევროპის ლიგა და ახლა სუპერთასიც უნდა დავისაკუთროთ. ჩვენი მეტოქე “ბარსელონა” გახლავთ, თუმცა მიზანი მხოლოდ გამარჯვებაა.
ხვალ გამოჩნდება, ვინ შეძლებს და ვინ ვერ შეძლებს თამაშს. შანსებს თანაბრად ვაფასებ — 50-50-ზე. ვიცით, რაოდენ ძლიერი გუნდია “ბარსელონა, მაგრამ მატჩი ანგარიშით 0:0 იწყება და არც ჩვენ გვყავს ურიგო ფეხბურთელები”, – აღნიშნა რეიესმა.
მატჩი სამშაბათს, “დინამო არენაზე”, 22:45 საათზე დაიწყება.
