რონალდუ: “ლუქსემბურგის ნაკრების მოედანი კარტოფილის მინდორს უფრო ჰგავდა” (ფოტო)

პორტუგალიის ეროვნული გუნდის ლიდერმა კრიშტიანუ რონალდუმ ევრო-2020-ის საკვალიფიკაციო ეტაპზე ლუქსემბურგის
ნაკრების წინააღმდეგ გამართული მატჩის (2:0) შემდეგ მეტოქე გუნდს მინდვრის საფარი დაუწუნა.

“ძალზედ მნიშვნელოვანია, რომ ევროპის ჩემპიონატზე ასპარეზობის უფლება მოვიპოვეთ. ეროვნული გუნდით ვამაყობ, მით უფრო მაშინ, როდესაც გოლი გამაქვს. ამ გამარჯვებით გახარებული ვარ. ეს ჩემი მეხუთე ევროპის ჩემპიონატი იქნება.

რთულია ასეთ საფარზე თამაში. თავადაც შეამჩნევდით, რომ მოედანი კარტოფილის მინდორს უფრო ჰგავდა. ვერ ვხვდები, ასეთი დონის გუნდებს ასეთ ცუდ მოედნებზე თამაში როგორ გვიწევს. ამ სირთულის მიუხედავად, ჩვენს საქმეს თავი გავართვით, ამოცანა შევასრულეთ და გავიმარჯვეთ”, – რონალდუ სიტყვებს A bola ციტირებს.