რუსეთის ნაკრებსა და რუსულ კლუბებს ფიფასა და უეფას ტურნირებში მონაწილეობა შეუჩერდათ

ფიფამ და უეფამ რუსეთის ნაკრები და რუსული კლუბები ყველა საერთაშორისო შეჯიბრიდან მოკვეთა.

“ფიფასა და უეფას აღმასრულებელი კომიტეტის მიერ მიღებული გადაწყვეტილებით, ყველა რუსულ გუნდს, იქნება ეს ეროვნული ნაკრები თუ კლუბი, ფიფასა და უეფას ეგიდით გასამართ ტურნირებში მონაწილეობა შეუჩერდათ.

ფეხბურთი სრულ სოლიდარობას უცხადებს უკრაინაში ყველა მსხვერპლს და გაერთიანებულია საერთო მწუხარების გარშემო. ფეხბურთის ფუნქციონერები იმედოვნებენ, რომ უკრაინაში სიტუაცია უმოკლეს დროში საგრძნობლად გაუმჯობესდება, რათა ფეხბურთი კვლავ იქცეს ხალხთა ერთიანობისა და მშვიდობის ვექტორად”, – ნათქვამია საფეხბურთო ორგანიზაციების ერთობლივ განცხადებაში.