სატრანსფერო მითქმა-მოთქმა

“ჩელსის” ბენატია სურს

ზაფხულის სატრანსფერო ფანჯრის დროს, ლონდონის “ჩელსი”, “რომას” მცველის, მედი ბენატიას ყიდვა სურს. ცნობილია, რომ ჟოზე მოურინიო 27 წლის ფეხბურთელში 22 მილიონის გადახდას და პლიუს ლუკაკუს მიცემას აპირებს იტალიური გუნდისთვის. აქვე, ბენატიათი “ჩელსის” გარდა, “მანჩესტერ სიტიც” არის დანტერესებული.

პასტორე კანდრევას სანაცვლოდ

“პარის სენტ ჟერმენი” უკანასკნელ კვირაში “ლაციოსთან” აწარმოებდა მოლაპარაკებებს. ცნობილია, რომ ფრანგებს ხავიერ პასტორეს ანტონიო კანდრევაში გაცვლა სურთ. როგორც იცით, არგენტინელი ნახევარმცველი, საფრანგეთში 2 წლის წინ გადავიდა, თუმცა ძირითად შემადგენლობაში ადგილი ვერ დაიმკვიდრა.

“ტოტენჰემი” გუარინის ყიდვას ეცდება

ზაფხულის სატრანსფერო ფანჯრის დროს, “ტოტენჰემი” ფრედი გუარინის ტრანსფერზე იმუშავებს. ცნობილია, რომ ინგლისელები მზად არიან ერიკ ლამელას შეელიონ “ინტერის” ფეხბურთელის სანაცვლოდ. როგორც იცით, ლამელა “რომადან” გადავიდა “ტოტენჰემში” და მისი ტრანსფერი თითქმის 40 მილიონი ევრო დაჯდა, თუმცა ეს ფული ამაოდ გადაიხადა “ჰოტსპურმა”.

ფოსტერი ლორისის სანაცვლოდ

“ტოტენჰემი” ზაფხულის სატრანსფერო ფანჯრის დროს, ფრეიზერ ფორსტერის ყიდვას შეეცდება. ცნობილია, რომ “ტოტენჰემის” ამჟამინდელი ნომერ პირველი კიპერი, უგო ლორისი ზაფხულში სხვა გუნდში გადასვლით არის დაინტერესებული. ჯერ-ჯერობით მსურველები არ გამოჩენილან, თუმცა “მამლები” შემცვლელის ძიებაში უკვე არიან. ერთ-ერთი სწორედ “სელტიკის” კიპერი ფორსტერია.

“მანჩესტერს” კოკე სურს

ცნობილია, რომ ზაფხულის სატრანსფერო ფანჯრის დროს, “მანჩესტერ იუნაიტედი” “ატლეტიკოს” შეთავზებას გაუგზავნის. ლუი ვან გაალი, კოკეს ყიდვით არის დაინტერესებული. წყარო წერს, რომ ინგლისელები 48 მილიონ ფუნტს გადაიხდიან ესპანელი ფეხბურთელის სანაცვლოდ.

დავიდ ვილა ამერიკაში?

ესპანური პრესა იუწყება, რომ დავიდ ვილა შესაძლოა ამერიკაში ვიხილოთ. ზაფხულის სატრანსფერო ფანჯრის დროს, ესპანელი ფორვარდით, “ნიუ იორკ რედ ბულსი” იქნება დაინტერესებული. ცნობილია, რომ ამერიკელები ვილას 3 წლიან კონტრაქტს სთავაზობენ.

ადრიანო “ინტერში”

“ბარსელონას” მცველი, ადრიანო კორეირა “ინტერს” სურს. ზაფხულის სატრანსფერო ფანჯრის დროს, იტალიელები შეთავაზებას გაუგზავნიან ბრაზილიელ მცველს და არაა გამორიცხული, რომ ეს ტრანსფერი შედგეს. როგორც იცით, ადრიანოს ფლანგზე, “ბარსელონაში” ხორდი ალბა თამაშობს, რის გამოც მას სათადარიგო სკამზე უწევს ჯდომა.

იმობილე “დორტმუნდს” უახლოვდება

ცნობილია, რომ დორტმუნდის “ბორუსია” “ტორინოს” ფეხბურთელით, იმობილეთი დაინტერესდა.იურგენ კლოპი, ზაფხულის სატრანსფერო ფანჯრის დროს 19 მილიონი ევროს გადახდას აპირებს იტალიელი ფეხბურთელის სანაცვლოდ. როგორც იცით, იმობილე გასულ სეზონში სერია ას ბომბარდირი გახდა. მან 38 შეხვედრაში 22 გოლის გატანა შეძლო (არცერთი პენალტი). ამის შემდეგ, მან ჩეზარე პრანდელის ყურადღებაც მიიქცია და ეროვნულ ნაკრებშიც მოხვდა.

“ლივერპულს” ლამბერტი სურს

ცნობილია, რომ ზაფხულის სატრანსფერო ფანჯრის დროს, “ლივერპული” რიკი ლამბერტის ყიდვას შეეცდება. როგორც იცით, ლამბერტი 32 წლის არის და ამჟამად ის “საუთჰემპტონის” ღირსებას იცავს. მან პრემიერ ლიგის გასულ სეზონში 13 გოლი გაიტანა და როი ჰოჯსონის ნაკრებშიც დაიმკვიდრა ადგილი. ცნობილია, რომ ბრენდან როჯერსი 7 მილიონ ევროს გადაიხდის ლამბერტის სანაცვლოდ.

“არსენალი” ტაარაბტის ყიდვას შეეცდება

ზაფხულის სატრანსფერო ფანჯრის დროს, ლონდონის “არსენალი” ადელ ტაარაბტის ყიდვას შეეცდება. როგორც იცით, 25 წლის მაროკოელი “ქუინს პარკ რეინჯერსმა” “მილანში” გაანათხოვრა და საკმაოდ კარგი შთაბეჭდილება დატოვა. ცნობილია, რომ ზაფხულში, ადრიანო გალიანიც შეეცდება ტაარაბტის გამოსყიდვას. ცნობისთვის, მიმდინარე სეზონში 25 წლის ფეხბურთელმა 14 მატჩი ჩაატარა “მილანის” შემადგენლობაში და 4 გოლის გატანა შეძლო.