სატრანსფერო ნიუსები
ზაფხულის სატრანსფერო ფანჯარა, უკვე 9 დღეა, რაც გახსნილია და გუნდები აქტიურად აწარმოებენ მოლაპარაკებებს ერთმანეთთან.
განხორციელდა რამდენიმე საინტერესო ტრანსფერიც. მაგალითად, დავიდ ვილა “ატლეტიკოდან” წავიდა, დავიდ ლუიზი “პარის სენტ ჟერმენში” გადავიდა, ალექსი “მილანმა” მიიწვია და ა.შ.
გთავაზობთ, ტრანსფერებს, რომლებიც შესაძოა განხორციელდეს მომავალი სამი თვის განმავლობაში
ლუკ შოუ “მანჩესტერში” გადავიდა
გუშინ გავრცელდა ინფორმაცია იმის შესახებ, რომ ლუკ შოუ “მანჩესტერ იუნაიტედში” გადავიდა. ბრიტანული პრესა იტყობინება, რომ “საუთჰემპტონი” 30 მილიონიან შეთავაზებას დათანხმდა. როგორც იცით, “წმინდანები” 40 მილიონ ფუნტს ითხოვდნენ, ინგლისელი მცველის სანაცვლოდ, “მანჩესტერელები” კი მხოლოდ 25-ის გადახდაზე იყვნენ თანახმა. საბოლოოდ მხარეებმა მოილაპარაკეს და 30 მილიონ ფუნთზე შეთანხმდნენ.
ობამეიანგი “ჩელსიში”?
არაა გამორიცხული, ზაფხულში პიერ ობამეიანგი კვლავ ახალ გუნდში ვიხილოთ. ამჟამად, მისით ლონდონის “ჩელსია” დაინტერესებული, რომელიც წარმომადგენლებს გზავნის გერმანიაში. 25 წლის გაბონელი ფორვარდი, “დორტმუნდმა” გასული სეზონის წინ “სანტ ეტიენიდან” შეიძინა და მან 13 ბუნდესლიგის მატჩში შეძლო გოლის გატანა. შესაძლებელია, მოურინიოს ის მეორე ფორვარდად სურს გუნდში.
რონალდუ ფალკაოს ტრანსფერს ბლოკავს
უცხოური პრესა აქტიურად წერს, რომ კრიშტიანუ რონალდუს, მადრიდის “რეალში” რადამელ ფალკაოს ხილვა არ სურს. წყაროები აცხადებენ, რომ პორტუგალიელ ფეხბურთელს კონკურენცია არ სურს და კვლავ პირველობა უნდა გუნდში. როგორც იცით, ზაფხულში მადრიდული გუნდი ახალი ფორვარდის დამატებას გეგმავს და ერთ-ერთი ვარიანტი რადამელ ფალკაოს ყიდვა იყო.
“ლივერპული” სუარესის სანაცვლოდ 80 მილიონი სურს
უკანასკნელ დღეებში გავრცელდა ინფორმაცია იმის შესახებ, რომ ლუის სუარესის ყიდვა “ბარსელონას” სურს და ისინი მზად არიან 85 მილიონი ევრო გადაიხადონ ურუგვაელი ფორვარდის სანაცვლოდ. ამავდროულად გავრცელდა ინფორმაცია, რომ მერსისაიდელები არ აპირებენ, სუარესის იაფად გაყიდვას. დღეს, “ლივერპულმა” დაასახელა თანხა, რომლის სანაცვლოდაც შეელევა ურუგვაელს. ეს 80 მილიონ ფუნტს უდრის.
“მანჩესტერი” ვიდალის კანდიდატურას განიხილავს
“მანჩესტერ იუნაიტედი” ამჟამად არტურო ვიდალის შეძენაზე ფიქრობს. მანჩესტერელები ამჟამად იმაზე ბჭობენ, უღირთ თუ არა იმ თანხად, ჩილელი ნახევარმცველის შეძენა, რამდენსაც “იუვენტუსი” მოითხოვს. როგორც ცნობილია, ტურინელები დაახლოებით 30 მილიონს ითხოვენ ვიდალის სანაცვლოდ. ჯერ-ჯერობით უცნობია იხდის თუ არა, “იუნაიტედი” ზემოთხსენებულ თანხას, არტუროს სანაცვლოდ.
შაქირი “ლივერპულში”?
ზაფხულში, “ბაიერნის” შვეიცარელი ფეხბურთელი, ჰერდან შაქირი შესაძლოა “ლივერპულში” აღმოჩნდეს. როგორც ამჩნევთ, შაქირის მიუნხენურ გუნდში ნაკლები სათამაშო დრო აქვს, რის გამოც არ არის გამორიცხული მან დატოვოს გერმანია. ცნობილია, რომ “ლივერპული” 15 მილიონ ფუნტს იხდის მის სანაცვლოდ. ცნობისთვის, ამჟამად შაქირის 3 გოლი აქვს მსოფლიო ჩემპიონატზე გატანილი.
“საუთჰემპტონი” 100 მილიონის შოვნას გეგმავს
ზაფხულის სატრანსფერო ფანჯრის დროს, “საუთჰემპტონი” ტრანსფერებით 100 მილიონი ფუნტის შოვნას გეგმავს. როგორც იცით, ბრიტანულ გუნდს რამდენიმე ფეხბურთელი ტოვებს. მათი რიგები უკვე დატოვა, ლუკ შოუმ, რომელშიც 30 მილიონი ფუნტი გადაიხადა “მანჩესტერმა”. ასევე, 25 მილიონ ფუნტს “ლივერპული” იხდის ადამ ლალანას სანაცვლოდ. 3 მილიონად მათ უკვე გაყიდეს, რიკი ლამბერტი და ასევე, შესაძლოა გაუშვან ჯეი როდრიგესიც, რომელიც გუნდის ბომბარდირი გახდა გასულ სეზონში.
“ლივერპული” მალე ახალ ტრანსფერს დაადასტურებს
ცნობილი ბრიტანული გამოცემები წერენ, რომ “ლივერპული” სულ მალე ახალ ტრანსფერს ოფიციალურად დაადასტურებს. მერსისაიდული გუნდი ბელგიელი ფეხბურთელის დივოკ ორიჯის ყიდვას გეგმავს. ცნობილია, რომ მხარეებმა 11 მილიონიან შეთანხმებას უკვე მიაღწიეს. ცნობისთვის, ამჟამად ბელგიელი ფეხბურთელი “ლილის” ღირსებას იცავს.
