სატრანსფერო სიახლეები
“ლივერპულს” მორენო სურს
“ლივერპულს”, ზაფხულის სატრანსფერო ფანჯრის დროს, “სევილიას” 21 წლის მცველი, ალბერტო მორენო სურს. ცნობილია, რომ ბრენდან როჯერსი 15 მილიონი ფუნტის გადახდას აპირებს ახალგაზრდა ფეხბურთელის სანაცვლოდ.
“არსენალი” და “ევერტონი” ბერისთვის იბრძვიან
ზაფხულის სატრანსფერო ფანჯრის დროს “არსენალი” და “ევერტონი” გარეტ ბერის გაფორმებას აპირებენ. როგორც იცით, ამჟამად ინგლისელი ნახევარმცველი, “მანჩესტერ სიტის” საკუთრებაა, თუმცა ის იჯარით “ევერტონში” არის. ცნობისთვის, კარიერის დიდი ნაწილი ბერიმ “ასტონ ვილაში” გაატარა.
ჯო კოული ამერიკაში მიდის
ზაფხულის სატრანსფერო ფანჯრის დროს, ჯო კოული ამერიკის შეერთებულ შტატებში აპირებს გადაბარგებას. ცნობისთვის, კოული უკვე რამდენიმე წელია იღებს შემოთავაზებებს უცხოეთიდან, თუმცა ის ინგლისში თამაშს ამჯობინებებდა. ცნობილია, რომ ზაფხულში რამდენიმე კლუბი შეეცდება 32 წლის ფეხბურთელის ყიდვას.
დატოვებს ჩეხი “ჩელსის”?
ბევრი წინაპირობაა იმის, რომ პიოტრ ჩეხმა ლონდონის “ჩელსი” დატოვოს. პირველი და უმთავრესი წინაპირობა კი, ტიბო კურტუაა. როგორც იცით, ბელგიელი მეკარე, რომელიც “ჩელსის” საკუთრებაა, ამჟამად “ატლეტიკოში” არის განათხოვრებული, თუმცა “არისტოკრატებს” მისი დაბრუნება სურთ. სწორედ ამიტომ, ჩეხმა შესაძლოა გუნდი დატოვოს. ჩეხს არ სურს, რომ სათადარიგო ფეხბურთელი გახდეს.
არსენალი 30 მილიონს იხდის
ზაფხულის სატრანსფერო ფანჯრის დროს, “არსენალი” მზად არის 30 მილიონი ევრო გადაიხადოს კარიმ ბენზემას სანაცვლოდ. როგორც იცით, ფრანგი ფორვარდით, არსენ ვენგერი უკვე რამდენიმე თვეა დაინტერესებულია. მისი ყიდვა გასულ ზაფხულსაც იგეგმებოდა, თუმცა ტრანსფერი არ შედგა.
ჰუმელსი “მანჩესტერის” ბოიექტივში
იმ შემთხვევაში, თუ დავიდ ლუიზი “ბარსელონაში” გადავა, დიდია იმის ალბათობა, რომ მეტ ჰუმელსი “მანჩესტერ იუნაიტედში” აღმოჩნდეს. გერმანელი მცველით, უკვე რამდენიმე თვეა, რაც ინგლისური გრანდი ინტერესდება, თუმცა ამავდროულად “ბლაუგრანაც” დაინტერესებულია მისით და შესაძლოა, სწორედ მათ აართვან ჰუმელსი “იუნაიტედს”.
“ჩელსი” ლუკაკუს ახალ კონტრაქტს შესთავაზებს
ლონდონის “ჩელსი” მზად არის, ბელგიელ ფორვარდს, რომელუ ლუკაკუს კონტრაქტი გაუხანგრძლივოს, თუმცა ჟოზე მოურინიო არ აპირებს, რომ ის გუნდში დააბრუნოს. ლონდონელები მზად არიან, რომ კვლავ იჯარით გაანათხოვრონ ლუკაკუ. ცნობილია, რომ “ჩელსის” 18 მილიონი ფუნტი უნდა, რათა საბოლოოდ გაასხვისოს რომელუ.
ველა “არსენალში”?
ზაფხულის სატრანსფერო ფანჯრის დროს, კარლოს ველა, შესაძლოა “არსენალში” დაბრუნდეს. არსენ ვენგერი მზად არის 10 მილიონ ევრომდე გადაიხადოს მექსიკელი ფორვარდის სანაცვლოდ. როგორც იცით, 25 წლის ფეხბურთელი 2005-2011 წლებში ირიცხებოდა “არსენალში”.
ვიდალით “ბარსელონა” და “რეალი” დაინტერესდნენ
“იუვენტუსის” ნახევარმცველით, არტურო ვიდალით ორი ესპანური გრანდი “ბარსელონა” და “რეალია” დაინტერესებული. 26 წლის ნახევარმცველმა შესანიშნავი სეზონი ჩაატარა, რითიც არაერთი კლუბი მოხიბლა. ჯერ-ჯერობით უცნობია ის, თუ რა თანხას გადაიხდიან ესპანელები ჩილელის სანაცვლოდ.
