სულ ცოტა ხნის წინ ოფიციალურად დადასტურდა, რომ ლონდონის “ჩელსიმ” ნეაპოლის “ნაპოლის” უკვე ყოფილი ფეხბურთელი, ჟორჟინიო ინგლისურ კლუბში ითამაშებს. ამის შესახებ ინფორმაციას “ლურჯების” გვერდი ავრცელებს.
როგორც ცნობილი გახდა, ბრიტანელებმა ბრაზილიური ფესვების მქონე ფეხბურთელში დაახლოებით 57 მილიონი ფუნტი გადაიხადეს. მან ხუთწლიან კონტრაქტს მოაწერა ხელი. 26 წლის ნახევარმცველი ხუთნორმიან მაისურს მოირგებს.
შეგახსენებთ, რომ ჟორჟინიო 2010-2014 წლებში “ვერონაში” ასპარეზობდა. შემდეგი ოთხი წლის მანძილზე ის “ნაპოლიში” გამოდიოდა. დღეიდან კი უკვე “ჩელსის” ღირსებას დაიცავს.
